Баян-Өлгий аймагт үерийн улмаас 163 иргэн орон гэргүй болжээ

154575.jpg Баян-Өлгий аймагт үерийн улмаас 163 иргэн орон гэргүй болжээ

Баян-Өлгий аймгийн Өлгий суманд өчигдөр орон нутгийн цагаар 16:30 цагийн орчимд дээрх багуудын нутаг дэвсгэрт уулнаас дахин үер бууж нэлээд айл өрхүүд усанд автжээ. Одоогоор аймгийн төвийн цахилгааны хэрэглээг хязгаарлаж, эрэн хайх, аврах, хойшлуулшгүй сэргээн босгох ажлыг  зохион байгуулж байна. Аймгийн төвийн 1,1 км газарт үерийн далан байгуулж, усанд автсан 286 хүнийг аюулгүй газарт гаргаж, орон гэргүй болсон 163 иргэнийг ерөнхий боловсролын сургуулийн сурагчдын дотуур байранд байрлуулаад байгаа аж. Мөн долоон багийн 43 айлыг нүүлгэн шилжүүлсэн байна.

Үерийн голомтод тус аймгийн Онцгой байдлын  газраас 36 алба хаагч, таван техник, хоёр завь, Зэвсэгт хүчний 340 дүгээр ангийн 90 алба хаагч, 10 техник, Хилийн цэргийн 0165 дугаар ангийн 55 алба хаагч, таван техник, Зэвсэгт хүчний 331 дүгээр ангийн 35 алба хаагч, нэг техник, Цагдаагийн газрын 74 алба хаагч, 18 автомашин, Цахилгаан шугам сүлжээний газрын 40 хүн, хоёр техник, нийтийн аж ахуйн үйлчилгээний “СУАТ” ХХК-иас 15 хүн, дөрвөн техник, Зам засвар, арчилалын “Жол” ХХК-ийн 10 хүн, гурван техник, Мэргэжлийн хяналтын газрын 25 хүн, хоёр техник, Газрын харилцаа, барилга хот байгуулалтын газрын таван хүн, хүн техник, Хөдөлмөр хамгаалал үйлчилгээний газрын найман хүн, хоёр техник, орон нутгийн 34 иргэн, 10 автомашин, нийт 11 байгууллагын 427 хүн, 63 техник хэгэгсэлтэйгээр ажиллаж байна.

Түүнчлэн ОБЕГ-ын тэргүүн дэд дарга бөгөөд штабын дарга Бригадын генерал Г.Ариунбуянгийн шийдвэрээр Ховд аймгийн Онцгой байдлын газрын есөн алба хаагч, нэг автомашинтай 18:54 цагт, Завхан аймгийн Онцгой байдлын газрын есөн алба хаагч, нэг автомашинтай 22:10 цагт, Увс аймгийн Онцгой байдлын газрын таван алба хаагч, нэг автомашинтай 20:15 цагт, Говь-Алтай аймгийн Онцгой байдлын газрын долоон алба хаагч, нэг автомашинтай 22:40 цагт Баян-Өлгий аймгийн чиглэлд хөдөлжээ.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ