ХЯТАДУУД 800 МЕТРИЙН ЦААНААС ХҮНИЙ АРЬСЫГ ТҮЛЭХ ЧАДВАРТАЙ ЛАЗЕР ЗЭВСЭГ БҮТЭЭЖЭЭ

zkzm-500-china-750x421.jpg ХЯТАДУУД 800 МЕТРИЙН ЦААНААС ХҮНИЙ АРЬСЫГ ТҮЛЭХ ЧАДВАРТАЙ ЛАЗЕР ЗЭВСЭГ БҮТЭЭЖЭЭ

Хятадын Шаньси мужийн Шинжлэх ухааны академийн дэргэдэх судалгааны хүрээлэнд дэвшилтэт технологи бүхий лазер винтов буу зохион бүтээжээ. “ZKZM-500” хэмээх энэхүү аюултай зэвсэг нь нүдэнд үл харагдах цацраг туяагаар галлаж, агшин зуур коксжилт үүсгэн 800 метрийн цаанаас ч хүний эд эрхтнийг гэмтээх юм. Үүнийг Хятадын арми үй олноор нь үйлдвэрлэж, терроризмын эсрэг анги нэгтгэлүүдэд нийлүүлэхээр төлөвлөжээ.

Лазер зэвсгийг зохион бүтээгчид үүнийг хүний аминд хүрэхгүй, зөвхөн бууны сум орсон газарт арьс нь түлэгдэж, насан туршийн сорви үлдээнэ хэмээн баталж буй юм. Тиймээс ч олон хүн барьцаалсан үед цагдаа нар байд өөрт нь мэдэгдэхгүйгээр алсын зайнаас гал нээж, гэмт хэргийг таслах зогсоох ач холбогдолтой ажээ. Шинэ винтовны жин ердөө 3.3 кг, дуу чимээ гаргадаггүй, лазеран гэрэл нь огт харагддаггүй давуу талтай юм байна. Нэг бууны өртөг 15 мянган доллар бөгөөд зөвхөн цэрэг, цагдаагийн байгууллага онцгой нөхцөлд хэрэглэх гэнэ.

Буруу зорилгод ашиглуулахгүйн тулд уг зэвсгийн дизайн, технологийг хатуу нууцалж байна. 1980 онд дэлхийн 100 орчим улс нэгдэн орсон НҮБ-ын Лазерын Зэвсгийн протоколд ийм зэвсгийг хориглодог. Гэхдээ Хятадын арми уг зэвсгээ “үхлийн бус” гэсэн ангилалд оруулж байгаа ажээ.

Эх сурвалж: South China Morning Post

Ardchilal.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ