ХОГИЙН ЦЭГИЙГ ХҮҮХДИЙН ЭКО ТОГЛООМЫН ТАЛБАЙ БОЛГОН ТОХИЖУУЛАВ

p1chnh541r1fvroeh1m6g1qodoak3.jpg ХОГИЙН ЦЭГИЙГ ХҮҮХДИЙН ЭКО ТОГЛООМЫН ТАЛБАЙ БОЛГОН ТОХИЖУУЛАВ

Хан-Уул дүүргийн 6 дугаар хорооны Засаг дарга А.Сүххишигийн санаачилгаар Хан-Уул дүүргийн Засаг даргын Тамгын газар, “Тереза” ахмадын халамжийн төвтэй хамтран тус хорооны хогийн цэг, гуу жалга байсан газрыг засаж тохижуулан ногоон байгууламж бүхий эко тоглоомын талбай байгууллаа.

Тус тоглоомын талбайг байгуулснаар бага насны хүүхэдтэй эцэг эхчүүд хүүхдээ салхинд гаргах, хүүхдүүд аюулгүй орчинд, ая тухтай тоглож наадахад тохиромжтой орчин бүрдэж байна. Мөн ахмадууд чөлөөт цагаа өнгөрөөж дасгал хийх боломжтой чийрэгжүүлэх төхөөрөмжүүдийг суурилуулсан бөгөөд тоглоомын талбайд резинэн хавтантай, байгалийн зүлэгжүүлэлт хийжээ.

Энэ үеэр иргэд, хогийн цэг байсан талбайг засаж тохижуулан ногоон байгууламжтай тоглоомын талбай санаачлан хийж, Яармагийн хүүхэд багачууд чөлөөт цагаа үр бүтээлтэй өнгөрүүлэхэд чиглэсэн бүтээлч ажлыг өрнүүлж байгаа санаачлагчдад талархал илэрхийллээ.

Эко талбайн нээлтийн үйл ажиллагаанд Хан-Уул дүүргийн Засаг даргын орлогч А.Амартүвшин, Тохижилт үйлчилгээний төв ОНӨААТҮГ-ын захирал Ц.Эрдэнэбаатар, дүүргийн ИТХ-ын Тэргүүлэгч, Тохижилт үйлчилгээний төвийн дэд захирал Ч.Базарзаяа, 6 дугаар хорооны Засаг дарга А.Сүххишиг, ГБХЗХХэлтсийн дарга О.Мягмарсүрэн, Тереза ахмадын төвийн Монгол дах салбарын захирал болон иргэдийн төлөөлөл оролцов.

Ж.Болор

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ