ХУРДАН МОРИНЫ УРАЛДААНЫГ 12-16 МАШИН ДАГАНА

ygg;bsy.jpg ХУРДАН МОРИНЫ УРАЛДААНЫГ 12-16 МАШИН ДАГАНА

ЦЕГ-ын Нийтийн хэв журам хамгаалах, олон нийтийн аюулгүй байдлыг хангах албаны дарга, Хурандаа Ж.Амгалан: “ Улсын баяр наадмаар иргэдийнхээ аюулгүй байдлыг ханган ажиллах бэлтгэл ажил 20-иод хоногийн өмнөөс хийгдэж, 7 дугаар сарын 9-нөөс албан хаагчид өндөржүүлсэн бэлэн байдалд ажиллахаар болоод байна.Энэ бэлтгэл ажил 95 хувьтай явагдаж байна.

Бадралмаа Б.-н зураг.

Хүй долоон худаг, Төв цэнгэлдэх хүрээлэн, Сурын талбайд гадаад дотоодын зочид төлөөлөгчид, маань наадаж байхдаа гэмт хэрэг зөрчилд өртөх эрсдэл ихтэй байдаг. Иймд урьдчилан сэргийлэх арга хэмжээ авч иж бүрэн камержуулах, иргэдийн үнэмлэх мандатаар нь нэвтрүүлэх, бөхийн барилдааныг дэс дараатай бичиж баримтжуулах гэх мэт ажлуудыг зохион байгуулалттай хийнэ. Мөн баяр наадмын үеэр орон байрны хулгай, болон гал усны зөрчил их гардаг. Иймд аж ахуй нэгж, ард иргадийг сонор сэрэмжтэй байхыг анхааруулж байна.

Бөхийн барилдааны тухайд ТББ болон холбоодын оролцоо багатай төрийн хэмжээнд зохион байгуулна.

Хурдан морьдын уралдааныг зохион байгуулахдаа хурдан морины шүдэлгээ, эрлийз морьдын асуудал, олон машин дагадаг, тоос их босдог гэх мэт асуудлаар зөрчил гардаг. Энэ жил уг асуудал дээр судалгаа хийж эдгээр зөрчлийг арилгуулах тал дээр ажиллаж байна. Хурдан морины уралдааныг 14-16 машин дагана. Эдгээр машинууд хүүхдүүдийн аюулгүй байдлыг хангах юм.  Мөн хэвлэл мэдээллийн дөрвөн машинд зөвшөөрөл олгосон байгаа. Эдгээр машинууд зааврын дагуу явна” гэлээ. Мөн түрүү морины хашаа болон бусад гараа барианы хэсэгт зохицуулалттай ажиллах талаар хүргэлээ.

Бадралмаа Б.-н зураг.

ЦА-ны Урьдчилан сэргийлэх, олон нийттэй харилцах хэлтсийн дарга, хурандаа Э.Бөхбат: “ Үндэсний их баяр наадмын өдрүүдэд цагдаагийн байгууллагаас иргэдийн ая тухтай, аюулгүй зорчих, нөхцөл боломжийг бүрдүүлэх зорилгоор замын цагдаагийн газраас 557 алба хаагч, хүч нэмэгдүүлэх байдлаар Хууль сахиулахын их сургуулийн 85 сонсогч өндөржүүлсэн бэлэн байдлын зэрэгт үүрэг гүйцэтгэнэ.

Наадмын үеэр авто зогсоолын хэмжээнээс хамаарч зогсоолын асуудал гардаг.

Төв цэнгэлдэх хүрээлэн, Хүй долоо худаг дахь авто зогсоолын хэмжээнээс хамааран тээврийн хэрэгслийн зөвшөөрлүүд олгогддог. Энэ жил А, Ж, D, К, Ү, Г, улаан М, Цэнхэр М гэх нийт 7 төрлийн зөвшөөрлүүд олгогдож байна. Жишээ нь: “Г” төрлийн зөвшөөрлийг хоёр байршилд байгуулсан. Нэг дэх нь Сүхбаатар, Сонгинохайрхан, Баянгол, Чингэлтэй дүүргийн чиглэлээс ирж буй иргэдэд зориулан Энхтайвны гүүрний зүүн дор байрлах “Усан парк”-ын зогсоол, хоёр дах нь Хан-Уул, Баянзүрх дүүргийн чиглэлээс ирж буй иргэдэд зориулан Хурд хорооллын зүүн талд байрлах “Суруго Монгол” ХХК-ны зогсоолд байрлуулахаар зохион байгуулсан байгаа.

Энэ үеэр ямар нөхцөл байдаг үүсдэг вэ гэхээр Хөдөлгөөнд оролцогчид зөвшөөрөлгүй талбай болон зөвшөөрөгдсөн талбайгаас бусад талбай руу зүтгээд байдаг. Энэ нь алба хаагчид болон жолоочийн хооронд сөргөлдөөн үүсдэг. Тиймээс энэ жил үүн дээр онцгой анхаарч ажиллана. Мөн замын мэдээлэгдсэн байдаг жилийн жилд тодорхой бус байдаг. Тэгвэл мэдээлэгдсэн байдлыг сайжруулах, жолоочид мэдээллийг ойлгомжтой байдлаар хүргэх зорилгоор тэмдэг, тэмдэглэл, “Чиг заасан мэдээлэх самбар”-ыг шаардлагатай газруудад байрлуулсан. Мөн зөвшөөрөл аваагүй хүмүүст Дүнжингарав, Мишээл экспо төвийн зогсоол дээр автомашинаа байрлуулан Төв цэнгэлдэх хүрээлэн рүү 3-5 минут тутамд үнэ төлбөргүй автобусаар зорчих боломжтой. Ингэснээр наадам болох төв цэгт ямар нэгэн байдлаар түгжирч гацахгүй хурдан очиж боломжтой гэдгийг зөвлөмөөр байна”.

Үндэсний баяр наадмын мэдээллийн хүргэхээр 600 гаруй хэвлэл мэдээллийн албаныхан мандат авчээ. Үүнд гадаадын томоохон агентлагууд ч байгаа юм. MNB, TV9, TV5 ,NTV, UBS, SPS гэх мэт телевизүүд шууд дамжуулалт хийхээр болж бусад телевизүүд  эдгээр дамжуулж байгаа телевизээс сигнал авч мэдээгээ шууд дамжуулах боломжтой юм. Өмнө жилүүдэд наадмын сурвалжлагыг хэсэгчлэн ангилах хэлбэрээр мандат олгодог байсан бол энэ жилийн хувьд нэг мандатааар аль ч хэсгээс сурвалжлах боломжтой болсоныг мөн мэдэгдлээ.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ