“МОНГОЛЫН НЭГ ӨДӨР” СОЁЛЫН НААДАМ ХҮЙ ДОЛОО ХУДАГТ БОЛНО

36544823_2166885336685942_3470098992644227072_n.jpg “МОНГОЛЫН НЭГ ӨДӨР” СОЁЛЫН НААДАМ ХҮЙ ДОЛОО ХУДАГТ БОЛНО

Баяр наадмын өдрүүдэд соёлын хотхонуудаар аялуулж нүүдэлчин ахуй амьдрал, соёлын биет болон биет бус өвүүдтэй биечлэн танилцах боломжийг наадамчин олонд олгожээ.

2008 оноос “Соёлын наадам” хэмээн зохион байгуулах болсон энэхүү үйл ажиллагаанд “Монголын нэг өдөр” хэмээх хот айл бүхий цогцолборыг Хүй Долоо Худагийн “Монгол наадам цогцолбор”-т байгуулж, “Сэрсэн тал”, “Талын Монгол”, “Хүүхэд бидний ирээдүй”, “Монгол наадам” гэсэн өөр өөрийн онцлог бүхий хотхонуудад үндэсний зан үйлээ суртчилан таниулах, соёлын арга хэмжээ зохион байгуулах гэж байна.

Уг арга хэмжээг Соёл Урлагийн Их Сургууль (СУИС), Монголын Урлагийн Зөвлөл (МУЗ), хамтран зохион байгуулж, Рио Тинто компани, ивээн тэтгэгчээр ажиллаж байгаа юм.

Монголын нүүдэлчин өв соёл, ардын урлагийг гадаад дотоодод суртчилах, наадмын соёлын үйлчилгээ, соёл урлагийн арга хэмжээний хүрээг өргөтгөх зорилготой соёлын наадамд язгуур урлагийн тоглолт, морьтны гайхамшиг шоу үзүүлбэр, тууль хайлах, үлгэрт дуу хөгжим, дүрслэх урлаг болон гар урлал, эсгий урлал, уран бичлэг,  ардын урлагийн тайлбарт үзүүлбэрүүд зэрэг язгуур урлагийн бүтээлүүдийг уран бүтээлчид, соёлын өвийг тээгчид танилцуулан суртчилах ажээ.

Мөн энэ үеэр урлаг соёлын үйл ажиллагаанаас гадна ахуй амьдралыг харуулсан бүтээл,  уралдаант тэмцээнийг зохион байгуулахаар төлөвлөөд байгааг дурьдлаа. Тухайлбал “Талын монгол нүүдэлчдийн хотхон”-д  шагай харваа, сур элдэх, аргал түүх, дэмбээ наадам, Монгол хувцас урлалыг дэлгэн үзүүлэх, наадамчин олныг оролцуулсан тэмцээн, цагаан идээний үзэсгэлэн худалдаа зэргийг бэлтэгжээ. Хоёр өдөр зохион байгуулагдах энэхүү үйл ажиллагааг зорьсон хүн бүрт уламжлалт ёс зан заншилаа бүрэн мэдэх боломжтойг зохион байгуулагчид онцоллоо.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ