ДАЛАЙН ДАВАЛГААНД ЦОХИГДОЖ СУРАГГҮЙ БОЛСОН ЭМЭГТЭЙ 1,5 ЖИЛИЙН ДАРАА УХААНГҮЙ ОЛДЖЭЭ

nining-sunarsih2.jpg ДАЛАЙН ДАВАЛГААНД ЦОХИГДОЖ СУРАГГҮЙ БОЛСОН ЭМЭГТЭЙ 1,5 ЖИЛИЙН ДАРАА УХААНГҮЙ ОЛДЖЭЭ

Индонезийн хэвлэлүүд нэгэн ер бусын мэдээллээр шуурч байна. Баруун Жава арлын Сукабуми баазын ойролцоо 52 настай Нининг Сунарсих хэмээх эмэгтэй нэг жил зургаан сарын өмнө далайн хүчтэй давалгаанд цохигдож сураггүй алга болжээ. Гэрчүүдийн мэдээлж буйгаар тухайн үед Сунарсих тусламж эрэн хашгирсан ч далайн давалгаа дэндүү ширүүн байсан тул ямар ч нэмэр болж чадаагүй гэнэ. Эмгэнэлт явдлын дараа аврах багийнхан түүнийг хичнээн эрж хайгаад ямар ч ул мөр олоогүй байна. Далайгаас нэгэн цогцос олдсон ч Сунарсинхийн хүү Вандагийн ДНК-тай таараагүй ажээ. Тиймээс удалгүй эрлийг зогсоож, түүнийг нас барсан гэж үзжээ.

Гэсэн ч хайртай хүнээ алдсан гэр бүлийнхэн нь цогцсыг олохоос нааш нас барсан гэдэгт итгэж чадаагүй юм. Хэд хоногийн өмнө Сунарсинхийн авга ах дүүгээ далайн эргээс аврал нэхэн уйлж буйгаар зүүдэлжээ. Авга ахын зөн совинд итгэсэн хүүхдүүд ээжээ эрэн хайсаар далайн эргийн ойролцоох элсэн дунд ухаангүй хэвтэж байхыг нь олсон байна. Ээж нь тухайн үед өмсөж явсан цэцгэн хээтэй шар даашинз, хар өмдтэйгөө олдсон тул танихад төвөггүй байжээ.

Сонирхолтой нь, тэрээр алга болсон газраас холгүй байсан гэнэ. Одоо түүнийг эмнэлэгт хэвтүүлэн эмчлүүлж буй бөгөөд удахгүй сэргэнэ гэж мэдэгджээ. Түүнийг сэргэхээр хэрхэн амьд үлдсэн нь тодорхой болох юм. Далайн давалгаанд шидэгдсэн хүн ийм удаан хугацааны дараа амьд байна гэдэг тун гайхалтай тохиолдол бөгөөд хүүхдүүд нь ээжээ Алматы бурханы ид шидээр эргэн ирлээ хэмээн итгэж буй ажээ.

Эх сурвалж: Tribun NewsKompasDudung Pret

Ardchilal.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ