О. Анхмаа: УИХ 15600 иргэний нэгдсэн гарын үсгийг хүлээн авсангүй одоо нэг нэгээрээ төсөл барина

fdkjlfj.jpg О. Анхмаа: УИХ 15600 иргэний нэгдсэн гарын үсгийг хүлээн авсангүй одоо нэг нэгээрээ төсөл барина

Хүүхдийн хүчирхийллийн эсрэг тайван жагсаалыг энэ оны 3 сарын 31-нд сайн дураараар нэгдсэн долоон ээжийн санаачилга дор 20 мянган иргэд оролцон зохион байгуулсан. Энэ жагсаалаар  15600 гаруй иргэдийн гарын үсгийг цуглуулсан хүүхдийн хүчирхийллийн эсрэг хуулийн төслийг өөрчлөх шаардлагыг УИХ-д хүргүүлсэн. Үүний дараа эдгээр ээжүүдийг УИХ дарга Энхболд хүлээн авч уулзахдаа уг хуулийн төслийг хаврын чуулгандаа багтаана гэсэн амлалтыг өгчээ.  Маргаааш буюу 2018 оны 6 дугаар сар 29-нд УИХ-ын хаврын чуулган хаах гэж байна. Харин хүүхэдтэй холбоотой осол гэмтэл гарсаар байхад энэ төсөл хэлэлцэгдээгүй байгаа нь  харамсалтай.

Хүүхдийн хүчирхийллийн эсрэг тайван жагсаалыг зохион байгуулсан ахлагч О. Анхмаагаас бид энэ төслийн талаарх тодруулгыг авсан юм.

Хуулийн төслийг УИХ-ын даргад өргөн мэдүүлснээс хойш холбогдох албан тушаал бүхий бүхий л хүмүүстэй уулзсан хэдий ч тус төслийг хаврын чуулганд багтаан хэлэлцэх боломжгүй болсон талаар 6 сарын 24-ны өдөр УИХ-ын даргын зөвлөх мэдэгжээ. Ингэхдээ “Намрын чуулганаар хүүхдийн хүчирхийллийн эсрэг хуулийг УИХ дарга М.Энхболд өөрийн биеэр  төсөл бичин өргөн барина” гэсэн байна. О. Анхмаа: “Зохион байгуулагчдын зүгээс төслөө өргөн барьснаас хойш хуулийн дагуу шат шатны байгууллагад хандсан хэдий ч амжилтгүй болсонд хамарамсалтай байна. Уг хуулийг өөрчлөх талаар албан тушаалтан болон бусад хүмүүс ч мөн адил хэлэлцүүлсэн талаар бидэнд мэдээлэлсэн. Том албан тушаалтан байна уу? Энгийн иргэд байна уу?  Хэнээр батлуулах нь чухал биш ирээдүйн сайн сайхны төлөө энэ төслийг хэрэгжүүлээсэй, бусармаг үйлдэл хийсэн хүмүүс хариуцлагаа хүлээдэг хатуухан хуультай болоосой  хэмээн бодож байна.  Жагсаалыг бид тайван замаар хүргэсэн хэдий ч үл тоосон байдалтай хандаж байна. Заавал нийгмийг цочироосон ширүүн тэмцэл хийж хүргэх ёстой байсан гэж үү? Хаврын чуулганаар 15600 хүний гарын үсгийг цуглуулж хүргээд нөлөөлж чадсангүй. Иймээс бид намрын чуулганаар нэг нэгээрээ өргөн барихаар төлөвлөж байна” гэлээ.

Эргэн сануулахад эдгээр ээжүүд хүүхдийн хүчирхийллийн эсрэг энэхүү хуулиндаа 4 зүйл бүхий шаардлага хүргүүлсэн юм. Энэхүү шаардлагад:

Нэгдүгээрт: Монгол Улсын Эрүүгийн хуулийн 12.1 дүгээр зүйлийн 12.1.4-т “Энэ гэмт хэргийг бага насны хүүхдийн эсрэг үйлдсэн, энэ гэмт хэргийн улмаас хохирогч нас барсан бол арван хоёр жилээс 20 жил хүртэл хугацаагаар, эхсүл бүх насаар нь хорих ял шийтгэнэ” гэж заасныг өөрчилж “Энэ гэмт хэргийг бага насны хүүхдийн эсрэг үйлдсэн, энэ гэмт хэргийн улмаас хохирогч нас барсан бол бүх насаар нь хорих ял шийтгэнэ” гэх,

            Хоёрдугаарт: Монгол Улсын Эрүүгийн хуулийн 6.14.2-т “Энэ хуульд заасан хүн төрөлхтний аюулгүй байдал, энх тайвны эсрэг гэмт хэрэгт өршөөл, уучлал үзүүлэхгүй” гэх заалтад бага насны хүүхдийг хүчирхийлэх гэмт хэрэг гэж нэмэх

            Гуравдугаарт: Монгол Улсын Эрүүгийн хуулийн 12.5-д Арван найман насанд хүрсэн хүн хохирогчийг арван дөрвөн насанд хүрсэн, арван зургаан насанд хүрээгүй болохыг мэдэх боломжтой байсан, эсхүл мэдсээр байж бэлгийн харьцаанд орсон бол дөрвөн зуун тавин нэгжээс таван мянга дөрвөн зуун нэгжтэй тэнцэх хэмжээний төгрөгөөр торгох, эсхүл зургаан сараас нэг жил хүртэл хугацаагаар зорчих эрхийг хязгаарлах, эсхүл зургаан сараас нэг жил хүртэл хугацаагаар хорих ял шийтгэн”гэх заалтын мөнгөн торгуулийг халж, зөвхөн биеэр эдлэх ял болгон өөрчлөх,

Дөрөвдүгээрт: Хохирогчийн насны хязгаарыг олон улсын жишгээр 16-18 нас болгон өөрчлөх саналыг дэвшүүлжээ

Эх сурвалж: Ardchilal.mn

Б.Бадралмаа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ