ЧУУЛГАНААР “ЭРДЭНЭС-ТАВАН ТОЛГОЙ”-Н 30 ХУВЬД IPO ГАРГАХ ТОГТООЛЫН ТӨСЛИЙГ ХЭЛЭЛЦЭНЭ

p1cgv9ofqu1ghttua1cmh1oq9i71.jpg ЧУУЛГАНААР “ЭРДЭНЭС-ТАВАН ТОЛГОЙ”-Н 30 ХУВЬД IPO ГАРГАХ ТОГТООЛЫН ТӨСЛИЙГ ХЭЛЭЛЦЭНЭ
УИХ-ын чуулганы нэгдсэн хуралдаан өнөөдөр 15.00 цагт эхэлж, 15 хууль, тогтоолын төсөл хэлэлцэхээр товлосон байна.

Хэлэлцэх асуудлын жагсаалтын эхэнд Орон нутгийн хамгаалалтын тухай, Дайчилгааны тухай, Эрүүгийн хуульд өөрчлөлт оруулах тухай болон Нийгмийн даатгал, Нийгмийн халамжийн тухай Хүүхэд хамгааллын тухай зэрэг долоон хуулийн төслийн эцсийн хэлэлцүүлэг багтжээ.

Үүний дараагаар “Таван толгойн ордыг эдийн засгийн эргэлтэд оруулах ажлыг эрчимжүүлэх тухай”, “Улсын Их Хурлын 2010 оны 32 дугаар тогтоолын хавсралтад нэмэлт, өөрчлөлт оруулах тухай”, “Төрөөс иргэний нисэхийн салбарт 2020 он хүртэл баримтлах бодлого”-д өөрчлөлт оруулах тухай тогтоолын төслийг хэлэлцэнэ.

Мөн Аж ахуйн нэгжийн орлогын албан татварын тухай хуулийн шинэчилсэн найруулга,Нийгмийн даатгалын сангаас олгох тэтгэвэр, тэтгэмжийн тухай хуульд нэмэлт оруулах тухай, Захиргааны ерөнхий хуульд өөрчлөлт оруулах тухай, Валютын зохицуулалтын тухай хуульд нэмэлт оруулах тухай хуулийн төслийг хэлэлцэхээр төлөвлөсөн байна.
Ч.Ариунболд
Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ