ЭЭЖДЭЭ ХАЯГДСАН ХОВОР ӨВЧТЭЙ ОХИН САЙХАН СЭТГЭЛТ ХҮМҮҮСИЙН АЧААР 20 ЖИЛИЙН ДАРАА...

fotorcreated-1493917494184-696x496.jpg ЭЭЖДЭЭ ХАЯГДСАН ХОВОР ӨВЧТЭЙ ОХИН САЙХАН СЭТГЭЛТ ХҮМҮҮСИЙН АЧААР 20 ЖИЛИЙН ДАРАА...

20 настай Ханна Крицек нь төрөлхийн одой буюу 1000 хүнд нэг тохиох генийн ховор өвчтэй төрсөн ч сайхан сэтгэлт хүмүүсийн ачаар одоо үеийнхнээсээ огт ялгаагүй, эгэл жирийн амьдарч байна. Тэр бусдын адил дэлгүүр хэсэж, найзуудтайгаа зугаалж, хөвгүүдийн талаар хов шуугиулах дуртай. Ханнагийн мөрөөдөл нь кино од юмуу дэлхийгээр аялагч болох. Түүний бусдаас ялгарах зүйл нь 91 см өндөртэй, намхан гэдэгт л байгаа юм. Гэсэн ч тэр жижигхэн биендээ баймгүй их сэтгэлийн хаттай.

Ханнаг нялх байхад нь төрсөн ээж нь эмнэлэгт хаяад явжээ. Ховор өвчний улмаас зүрхний эмгэгтэй, тархины саажилттай болох эрсдэл өндөр байсан тул ийнхүү гологдсон хэрэг. Азаар Миннесота мужийн иргэн Жаки, Ларри Крицек нар охиныг гурван сартай байхад нь үрчилж аван юугаар ч дутахааргүй өсгөсөн байна. Одой хүмүүс богино насалдаг гэлцдэг ч тэд охиндоо бүхий л хайраа зориулдаг бөгөөд түүнийг бусдаас өөр гэдэгтэй эвлэрэхийг хүсдэггүй. Тиймээс ч Ханна сэтгэл тэнэгэр амьдарч, зөвхөн хичээл сурлага, гимнастик бүжиг, баллетэд онцгойлон анхаарч, ирээдүйд од болох мөрөөдлөө биелүүлэхээр зорьж байна.

Ханна “Жижиг биетэй байлаа гээд бусдаас өөр гэсэн үг биш. Ээж, аав хоёр маань намайг маш их хайрлаж, эрүүл хүүхдүүдээс юугаар ч дутахгүй гэдгийг ойлгуулж өгсөн. Би гэрлийн унтраалга, угаалтуур, галт тогооны хэрэгсэлд хүрч чадахааргүй намхан ч тэд маань надад зориулсан сандал  гаргаж өгсөн” хэмээн ярьжээ.

Гэр бүл нь түүнээс элдэв бүдүүлэг асуулт асуухыг хэрхэвч тэвчдэггүй. Тиймээс Ханнаг таван настай байхад хүмүүс нялх хүүхэд хэмээн андуурч, бүдүүлэг харьцсанд ээж нь ихэд бухимдан “Охин минь жижиг биетэй ч наддаа л таван настай хүүхэд. Тэр маш хурдан өсч байна” хэмээн хариулж байжээ.

Б.Мөнхтуяа

Эх сурвалж: Ardchilal.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ