“Аврагч-2016” тэмцээнд 14 багийн 214 алба хаагч оролцов

527-1474507741zurag1-1.jpg “Аврагч-2016” тэмцээнд 14 багийн 214 алба хаагч оролцов
Гамшгаас хамгаалах үйл ажиллагааг бүх талаар сайжруулах, тогтворжуулах зорилгоор Орхон аймгийн Онцгой байдлын газраас аймгийн Улаанзагалмайн хороотой хамтран “Аврагч-2016” тэмцээнийг энэ сарын 17-нд зохион байгуулав.
 
18 дахь жилдээ уламжлал болгон зохион байгуулагдсан тус тэмцээнд 13 байгууллага, аж ахуйн нэгжийн 14 багийн 224 ажилтан, албан хаагч хамрагдсан аж.
Тэмцээнд оролцогч аврагч, нөхөрлөл тус бүрийн анхны тусламжийн цүнхний иж бүрдэл, химийн газ эсэргүүцэх багны бүрэн бүтэн байдал, объектын болон ой, хээрийн түймэр унтраах багаж хэрэгслийг шүүгчид шалгаж тэмцээний зааврын дагуу үнэлгээ өгч ажилласан байна.
 
Тэмцээнийг тэргүүн байрт “ЭДЦС” ТӨХК-ны анхны тусламжийн нөхөрлөл, хоёрдугаар байрт “Эрдэнэт үйлдвэр” ХХК-ны Баяжуулах фабрикийн анхны тусламжийн нөхөрлөл, гуравдугаар байрт Нийгмийн даатгал, Татварын хэлтсийн хамтарсан анхны тусламжийн нөхөрлөл эзэлжээ.
 
 
 
Эх  сурвалж: “Монцамэ” агентлаг
Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ