Дэлхийн 60 орны гоо бүсгүйчүүд Монголд ирэх нь

527-147444719502_13-155835-850303075.jpeg Дэлхийн 60 орны гоо бүсгүйчүүд Монголд ирэх нь
Дэлхийд чансаагаараа дээгүүрт бичигддэг “Face of beauty international” олон улсын миссийн  тэмцээн энэ сарын 27-ноос ирэх сарын 9-нд Улаанбаатар хотноо болно.
 
Монгол Улсад 22 ширхэг үлдэж, устаж үгүй болох аюул нүүрлээд буй мазаалай баавгайг хамгаалах хөдөлгөөнийг дэлхийн сонорт хүргэхэд дуу хоолойгоо нэгтгэх зорилготой 5 дахь удаагийн тэмцээнийг байгаль орчин, аялал жуучлал, соёл урлаг, эдийн засгийн салбарт өндөр ач холбогдолтой хэмээн зохион байгуулагчид нь хэлж байна.
 
Дэлхийн 60 орны гоо бүсгүйчүүдтэй өрсөлдөх үндэсний ялагчаар Э.Урангоо шалгарсан болохыг  "Mongolian Beauty Association"-аас танилцууллаа.
Тэрбээр ам бүл дөрөв,  айлын бага охин. Маркетингийн менежер мэргэжилтэй. Бүрэн хэмжээний уран сайхны 4 тоглосон жүжиглэх авьяастайгаас гадна дуулдаг, бүжиглэдэг, өдөр тутмын хувцсаа өөрөө хийж өмсдөг зэрэг тал талын авьяас ур чадвартай. Спортод сонирхолтой, шатрын улсын аварга хүрэл медальтай.
 
Тус тэмцээнд оролцохоор дэлхийн 60 гаруй улсын гоо бүсгүй, тэдний гэр бүл, ойр дотныхон болон тэмцээний ерөнхий зохион байгуулагч Мила Мануел, “Missosology” сайтын тэргүүлэгч Павее Винтура, загварын агентлагын захирал, шүүгч гээд нийт 200-300 хүн манай улсад ирэх юм.
Энэ хугацаанд гоо бүсгүйчүүдийг  Монголын түүхэн дурсгалт газруудаар болон Улаанбаатар хот дахь музейгээр аялуулах аж.  
 
 
 
Эх  сурвалж: “Монцамэ” агентлаг
 
Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ