Суулт хийж буй иргэд ОУВС-гийн байранд очиж мэдэгдэл хүргүүлжээ.

150208.jpg Суулт хийж буй иргэд ОУВС-гийн байранд очиж мэдэгдэл хүргүүлжээ.

Өнөөдөр МҮЭ-ийн холбооны дэд ерөнхийлөгч С.Эрдэнэбат тэргүүтэй үйлдвэрчний эвлэлийн төлөөллүүд Монгол дахь ОУВС-гийн байранд очиж мэдэгдэл, санал гардуулсан байна.

С.Эрдэнэбат “Монгол улсын Засгийн газраас ОУВС-тай хамтран “Өргөтгөсөн санхүүжилтийн хөтөлбөр” хэрэгжүүлж эхэлсэн. Түүнтэй холбоотойгоор Улсын гурван талт хэлэлцээрийн тодорхой зүйл заалтууд зөрчигдөж байна. Төрийн үйлчилгээний буюу боловсрол, эрүүл мэнд, соёл урлагийн салбарын ажилтнууд ажил хаялт хийхэд бэлэн байгаагаа мэдэгдэж байна.

Иймд тус хөтөлбөрийн нөхцөлийг эргэн авч үзэж, төрийн албан хаагчдын цалин хөлсийг 2018 оны II улиралд нэмэгдүүлэх үүргээ хэрэгжүүлэх, түншлэлийн хүрээнд иргэдийнхээ тулгамдсан асуудлыг бүрдүүлэх чиглэлд анхаарч ажиллахыг санал болгож байна” хэмээн хэлэв.

МҮЭ-ийн холбооны цалин нэмэгдүүлэх шаардлагаа дэмжих ажил хаялтын өмнөх суулт нийслэл, орон нутагт тавдугаар сарын 21-нээс 25-ны өдрүүдийн 09:00-12:00 цагийн хооронд үргэлжлэх юм.

Дашрамд дурдахад, Сүхбаатарын талбайд үргэлжилж буй суултад оролцогчидтой Олон улсын Хөдөлмөрчдийн эв санааны нэгдлийн төвийн Япон, Солонгос, Вьетнам, Мьянмар, Хятад, Тайвань, Тайланд улсын үйлдвэрчний эвлэлүүд нэгдмэл байр суурьтай байгаагаа илэрхийлсэн байна.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ