Зочид буудлын зохион байгуулагч дүүрэг удирдаж чадахгүй

bolor.jpg Зочид буудлын зохион байгуулагч дүүрэг удирдаж чадахгүй

Сүхбаатар дүүргийн Засаг дарга Х.Болормааг Сүхбаатар дүүргийн Иргэдийн төлөөлөгчдийн хурал дахь МАН-ын бүлгийн гишүүд огцруулахаар гарын үсэг зурж яаралтай хуралдаан зарлах шаардлагыг дөрөвдүгээр сарын 27-ны өдөр хүргүүлсэн. Яаралтай хуралдаанаар Засаг дарга Х.Болормаагийн ажлын үр дүн, гаргасан алдаа дутагдлыг хэлэлцэж, огцруулах тухай асуудлыг шийдэх юм байна.

Сүхбаатар дүүргийн МАН-ын гишүүдийн албан шаардлага, Засаг дарга Х.Болормааг огцруулах тухай асуудлыг Сүхбаатар дүүргийн Иргэдийн Төлөөлөгчдийн Хурлын тэргүүлэгчид хуралдаад энэ 5 дугаар сарын 23-ны өдөр буюу лхагва гаригт хэлэлцэж шийдвэрлэх болжээ. МАН-ын бүлгийн гишүүд Засаг дарга Х.Болормааг удаа дараа хууль тогтоомж зөрчиж, албан тушаалын эрх мэдлээ хэтрүүлж, хувийн ашиг сонирхлын зөрчил гаргасан гэж үзэж байгаа учраас дээрх шаардлагыг тавьж байгаа юм байна.

Х.Болормаа нь дүүргийн Засаг даргаар ажиллаад хоёр жил болоход хангалтгүй ажилласан , дүүргийн хөгжлийн төлөө тоймтой ажил хийгээгүй атлаа дүүргийн газар, хэлтсийн дарга нар, төрийн албан хаагчид, төрийн үйлчилгээний албан хаагчдыг үндэслэлгүйгээр ажлаас халж дур зоргоороо аашлан хамаатан саднуудаа ажилд авч, хувийн ашиг сонирхол гаргадаг, ажилтнуудын ажлын үр дүнгийн шагналыг бууруулах, олгохгүй байх зэрэг захиргааны хууль бус шийдвэрүүдийг удаа дараа гаргасан гэж Иргэдийн төлөөлөгчид дүгнэсэн.

Дүүрэг, хороонд хийх хөрөнгө оруулалтыг өөрийн сонгогдсон 12 дугаар хороонд илүүтэй хувиарлаж, 2018 онд гэхэд тус хороонд зургаан төсөл тавьсан атлаа зарим хороонд ямар ч төсөв мөнгө, төсөл хувиарлаагүй байна. 2017 оны санхүүгийн тайланд аудит хийсэн дүгнэлтээр Сүхбаатар дүүргийн Засаг дарга Х.Болормаа нь төсвийн хөрөнгийг зориулалт бусаар зарцуулж, 620  сая төгрөгийн санхүүгийн зөрчил гаргасан нь илэрчээ.

Тэгэхээр Сүхбаатар дүүргийн Иргэдийн Хурлын Төлөөлөгчид хэлэлцээд санал хураалт явуулж, олонхийн саналаар Х.Болормааг огцруулна гэвэл огцрох юм. Ингээд Сүхбаатар дүүрэг шинэ Засаг даргатай болох юм. Х.Болормаа нь АН-ын нийслэлийн дарга Казино Баттулгын дүү Дашцэрэнгийн эхнэр бөгөөд Улаанбаатар зочид буудлын зохион байгуулагчаар ажиллаж байжээ. Ингэхээр Иргэдийн хурлын төлөөлөгчид “Зочид буудлын зохион байгуулагчаар ажиллаж байсан хүн дүүрэг удирдаж чадахгүй” гэж үзсэн бололтой. Казино Д.Баттулга бэрийгээ огцруулахгүй гэж МАН-аас УИХ-д сонгогдсон гишүүдтэй уулзалт хийж яваа сурагтай. Мөн Х.Болормаа нь Сүхбаатарын талбайд болсон Гэр хорооллын хөдөлгөөний суултыг захирамж гаргамж хууль бусаар албадан тараасан гэж хөдөлгөөнийхөн  шүүхэд  хандаж байгаа ба мөн огцруулахаар шаардлага тавьжээ.

Иргэн н.Лхагвадорж гэж хүн өнөөөдөр хэвлэлийн бага хурал хийлгэж  Засаг дарга Х.Болормаа болон түүний хадам ах казино Д.Баттулга нарын хууль бус үйлдлийн талаар 150 хуудас материал АТГ-т өгсөн тухайгаа мэдэгдлээ.

Н.Баатар

Эх сур: unen.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ