ОРОСЫН САЯТАН ЭХНЭРЭЭ СОНГОХООР 2000 БҮСГҮЙГ ӨРСӨЛДҮҮЛЖ БАЙНА

4BCFB6A100000578-0-image-a-60_1525354847537.jpg ОРОСЫН САЯТАН ЭХНЭРЭЭ СОНГОХООР 2000 БҮСГҮЙГ ӨРСӨЛДҮҮЛЖ БАЙНА

Оросын газрын тосны магнат, 54 настай Константин Шербинин өөртөө эхнэр сонгохоор “Саятны гэрлэлт” хэмээх телевизийн реалити шоу зохион байгуулж байна. Энэхүү шоунд өрсөлдөхөөр 2000 гаруй оролцогч бүртгүүлээд байгаа бөгөөд өөрт нь таалагдсан нэг бүсгүйг сүйт бүсгүй болгохоо амлажээ. Сонирхолтой нь, энэ шоуны шүүгч нь Константин өөрөө биш түүний гурван эрх охин, ганц хүү нь ажээ. Өмнө нь хоёр ч удаа гэрлэж, гурван бүсгүйтэй хамтран амьдарч байсан энэ саятан дараагийн эхнэрээ сонгохоор эрх дураараа аашилж буй нь үзэгчдийн дургүйцлийг хүргэж байгаа ажээ.

Энэ шоу нь “U-TV” телевизээр цацагдаж буй бөгөөд оролцогч бүсгүйчүүд бүлэг болон хуваагдаж, Константины гэр бүлийхний өмнө шалгуулан зогсоно. Тэд ч бүсгүйчүүдийг гадаад төрх, бие галбираар нь шинжиж заримтай нь бүдүүлэг харьцаж, шоглодог байна. Жишээлбэл, Константины 16-тай бага охин нь 40 настай нэгэн оролцогчид “Аав залуухан, дур булаам охидыг хайж байгаа. Та ч аавыг залхаах байх даа” хэмээн бүдүүлэг авирлажээ. Мөн 20 настай охин Ольга нь гар бөмбөгийн тамирчин Екатринад хандаж “Аав өндөр охидод дуртай л даа. Гэхдээ хэт өндөр биш. Та бидэнд тохирохгүй. Баяртай” гэжээ. Дараа нь нэврүүлгийн дундуур Ольга “Би маш хатуу байгаа. Манай харшид хачин, гаж хүмүүс хэрэггүй” хэмээн ярьсан нь үзэгчдийн дургүйцлийг бүр ч хүргэжээ.

Энэ хүнд сорилтыг давсан оролцогчид дараагийн шатанд тансаг харшид байрлаж, “Үнэнээ хэлэх мөч” нэвтрүүлэг шиг сорилтод оролцож, олон нийтийн өмнө хувийн нууцаа дэлгэх ёстой. Ингээд эцсийн шатанд үлдсэн хүнд Константин өөрөө гэрлэх санал тавих юм.

Баячууд ийнхүү дураа аашилж, эхнэрээ сонгох нэрийн дор бүсгүйчүүдээр доог тохуу хийж байна. Харин Константин өөрөө гэр бүлийн амьдрал нь таван ч удаа бүтэлгүйтсэн тул эд хөрөнгөд шунах биш чин үнэнч сэтгэлтэй нэгнийг хайж буй хэмээн тайлбарлав. Тиймээс ч жинхэнэ хайр дурлалаа олоход өөрөө биш хүүхдүүд нь тусална хэмээн итгэсэн гэнэ.

Константин Шербинин хүүхдүүдийн хамт

Эх сурвалж: www.odditycentral.com

Ardchilal.mn

 

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ