ГИЖИГДҮҮЛЖ БУЙ ХҮМҮҮСИЙГ ХАРААД ТАСРАЛТГҮЙ ИНЭЭДЭГ ХАЧИРХАЛТАЙ ЭМЭГТЭЙ

laughing.jpg ГИЖИГДҮҮЛЖ БУЙ ХҮМҮҮСИЙГ ХАРААД ТАСРАЛТГҮЙ ИНЭЭДЭГ ХАЧИРХАЛТАЙ ЭМЭГТЭЙ

Гижигдүүлээд инээх нь хүн бүрт илэрдэг энгийн үзэгдэл юм. Тэгвэл Калифорнийн их сургуулийн эрдэмтэд бусад хүмүүсийн гижигдүүлж буйг хараад өөрийнх нь биед хүрсэн мэт чангаар зогсолтгүй инээдэг нэгэн эмэгтэйн ер бусын тохиолдлыг илрүүлж бүртгэжээ. Судлаачид түүнийг удаан ажигласны эцэст “синестезия” хэмээх маш ховор өмчтэй болохыг тогтоосон байна. Ийм хүмүүсийн мэдрэлийн эсүүд толины тусгал мэт ажилладаг гэж хэлж болно. Өөрөөр хэлбэл, бусдыг зүгээр харах, ажиглах үед тэднийг яг дууриаж, адилхан хариу үйлдэл үзүүлдэг ажээ.

Үүний учир нь синестезия өвчтэй хүмүүсийн тархи бусдаас өөр зарчмаар ажилладагтай холбоотой гэнэ. Бусдын биед хүрэхийг харсан үед тэдний тархины холбогч эдүүд идэвхжих бөгөөд үйлдлийг болиулах, зогсоох дохиолол нь сул болдог байна.

Шинжлэх ухаанд хүн төрөлхтний 1.6%- 2.5%-д нь синестезия өвчний шинж илэрдэг гэж үзсэн байдаг. Гурван жилийн өмнө өвчтнүүдийнхөө өвдөлтийг мэдэрдэг мэдрэлийн эмч гарч ирсэнийг мөн синестезия өвчний нэг хэлбэр гэж үзжээ.

Б.Мөнхтуяа

Эх сурвалж: Ardchilal.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ