“Монголын сошиал медиа хөгжүүлэгчдийн холбоо” байгуулагдлаа

29511095_418521081927875_8353542066077747047_n.jpg “Монголын сошиал медиа хөгжүүлэгчдийн холбоо” байгуулагдлаа

Монголд давхардсан тоогоор 700 мянга орчим хүн тогтмол сошиал орчинд идэвхитэй байдаг гэсэн судалгааг “Монголын Сошиал медиа хөгжүүлэгчдийн холбоо”-ноос гаргажээ. Маш хурдтай мэдээ мэдээлэл түгээх хэрэгсэл  сошиал орчин болоод байгаа. Иймд монгол залуус нэгдэж сошиал орчинд хяналт тавьж, эзэнтэй байлгах зорилго дор нэгдэж тус холбоог байгуулаад байна.  Сошиал орчинг эзэнтэй болгосноор сошиал орчин дахь сөрөг үр дагаваруудыг бууруулах цаашлаад өөрийн гэсэн нэр бүхий контент үйлдвэрлэгчид болно гэсэн санаан дор  “Монголын Сошиал медиа хөгжүүлэгчдийн холбоо”-г байгуулж, залуус дуу  хоолойгоо нэгдээд байгаа юм.

“Монголын Сошиал медиа хөгжүүлэгчдийн холбоо” 2018 оны 5-р сарын 20-ны өдөр анхны хурлаа нээлттэйгээр Хан-Уул дүүргийн соёлын ордонд хийж удирдах зөвлөлийн гишүүдээ томиллоо. Удирдах зөвлөлд үйл ажиллагаа, чиглэл тус бүр дээр одоогийн байдлаар 21 хүнийг томилоод байна. Удирдах зөвлөлийг  өөрийн хүсэл сонирхолоор ирсэн 60 гаруй гишүүдийн мандатны тоогоор томилсон. Гишүүдийн өөрийн санал хүсэлтийн дагуу болон, нэр дэвшүүлсэн хүмүүст гишүүд санал өгөх журмаар удирдах зөвлөлийг нээлттэйгээр шалгарууллаа. Удирдлагууд цаашдын үйл ажиллгаагаа маш нээлттэйгээр нам эвсэлээс хамааралгүй шудрага явуулна гэдгээ энэ үеэр мэдэгдлээ. Холбоонд давхардсан тоогоор 7 сая гаруй групп пэйж хуудсууд нэгдээд байгаа юм байна. Цаашлаад твитер, youtube, instagram зэрэг сошиал орчин дахь бүхий л хуудсуудыг нэгтгэж хяналт тавих аж. Удирдах зөвлөлд программистууд голчлон сонгогдсон нь маш том давуу тал хэмээн энэ үеэр онцлолоо. Мөн сэтгүүл зүйн салбарынхан нэгдсэн нь шудрага үнэний дуу хоолой болж мэдээ мэдээллийг цаг алдалгүй хүргэх юм.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ