ЯПОНЫ ГАЛТ ТЭРЭГ 25 СЕКУНД ЗӨРЖ, ОЛОН НИЙТЭЭС УУЧЛАЛТ ГУЙВ

_101601766_70ca9e06-9278-4cf1-8596-efe0652ca4cf.jpg ЯПОНЫ ГАЛТ ТЭРЭГ 25 СЕКУНД ЗӨРЖ, ОЛОН НИЙТЭЭС УУЧЛАЛТ ГУЙВ

Япончууд нийтийн тээврийн үйлчилгээний соёлоор дэлхийд гайхагдаж байна. Өмнө нь "Tsukuba Express" компани зогсоолоос 20 секундийн өмнө хөдөлснийхөө төлөө зорчигчдоос уучлалт гуйсан бол энэ үйл явдал дахин давтагдав. Токиогийн баруун хэсэгт зорчигдыг тээвэрлэдэг компани Нотогавагийн зогсоолоос өглөөний 07:12-д хөдлөх ёстой байсан бол товлосон хугацаанаас 25 секундийн өмнө явчихжээ. Үүнд иргэд ихэд бухимдаж “Ичмээр юмаа. Бид галт тэргэндээ амжиж суух гэж хэдэн секундийн өмнө ирэх болж байна?” хэмээн жиргэжээ.

Үүний дараахан Төмөр замын үйлчилгээний газраас галт тэрэгний үйл ажиллагаа хариуцсан багийг явах цагаа нарийн шалгаагүй хэмээн буруутгасан байна. Мөн компанийн удирдлагууд "Үйлчлүүлэгчдийнхээ ая тухыг алдагдуулсанд гүнээ хүлцэл өчье" гэж мэдэгджээ.

Японы төмөр замын систем цаг нарийн баримталдаг, найдвартай гэдгээрээ алдартай. Өдөрт хэдэн сая зорчигч ажилдаа хоцрохгүйн тулд зогсоол дээр ирэх цагаа хуваарийн дагуу сайтар төлөвлөдөг байна.

Зөвхөн "Tsukuba Express" компани гэхэд 45 минутын дотор Токиогийн Акихабарагаас Цукабу зогсоол хүртэлх 54 км газар хүргэж өгч үйлчилдэг бөгөөд 4 минут тутамд нэг галт тэрэг хөдөлдөг байна. Энэхүү үйлчилгээгээр өдөрт 230 мянган хүн зорчдог ажээ.

Эх сурвалж: BBC

Ardchilal.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ