ХҮНЛЭГ СЭТГЭЛТЭЙ ХӨРШ НЬ ТАВАН ДАВХРААС УНАЖ БУЙ ХҮҮГ ТОСЧ АВАРЛАА

boyfalls_chinadaily.jpg ХҮНЛЭГ СЭТГЭЛТЭЙ ХӨРШ НЬ ТАВАН ДАВХРААС УНАЖ БУЙ ХҮҮГ ТОСЧ АВАРЛАА

Хятадын Шандон мужид сайхан сэтгэлт хөршүүд нь баатарлаг үйлс бүтээж, хэвлэлүүдийн баатар болж байна. Тодруулбал, орон сууцны хорооллын таван давхраас бяцхан хүү унаж буйг хараад 28 настай цэрэг Лю Янгмин, аавтайгаа хамт маш богино хугацаанд овсгоо гаргаж, дундаас нь барьж авч чаджээ.

Тэд хүүхэд хашгирч буй чимээг сонсоод тагтаараа гарч хартал бяцхан хүү цонхноосоо доош унаж, агаар шүүгчнээс зүүгдэж байсан гэнэ. Сандарч тэвдсэн аав хүү хоёр гялс цонхоор авирч, нарийхан тагтан дээр гарч зогсоод хүүг барьж авахад бэлтгэжээ. Тэгээд хүүг доош унамагц амжилттай барьж авсан байна. Энэ бүх үйл явц ердөө хэдхэн секундийн дотор болж өнгөрсөн ажээ. Ажигч гярхай, баатарлаг хөршүүд нь өөрсдийнхөө амь насыг эрсдэлд оруулан хүүг аварсан нь энэ юм.

Азтай хүү 2 нас таван сартай бөгөөд тухайн үед эмээ нь зочны өрөөнд цай ууж байсан гэнэ. Тэрээр унтлагын өрөөнд хүүгээ түгжсэнээ мартаж орхижээ. Энэ үйл явдал анхаарал болгоомжоо огтхон ч сулруулж болохгүйг эцэг эхчүүдэд сануулж, хөршийн сайн холбоо үүсгэхийг уриалж байна.

Эх сурвалж: www.asiaone.com

Ardchilal.mn

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ