Гурван талт хэлэлцээр амжилтгүй болсон тул суулт үргэлжлэж байна

jnfvgkjdfvbnskdf.jpg Гурван талт хэлэлцээр амжилтгүй болсон тул суулт үргэлжлэж байна

Эрүүл Мэндийн салбарын ажилчид цалин хөлсөө нэмэгдүүлэхээр суулт зарлаж дөрөвдэхь өдрөө үргэлжлэж байна. Суулт зарлагчид холбогдох албан тушаалтнууд шийдвэртэй хариу өгтөл суултаа үргэлжлүүлж ажил хаяна хэмээн мэдэгдээд байсан. Тэгвэл өнөөдрийн байдлаар суултанд шинжлэх ухаан, хөдөлмөрийн салбар болон соёлын салбар, боловсролын салбарыхан нэмэгдэж,  суултын хугацаа өдөр өдөрт цагаа нэмсээр байна.

Бадралмаа Б.-н зураг.

Энэ асуудлаар Монголын эрүүл мэндийн ажилтны үйлдвэрчний эвлэлийн холбооны дарга Б.Мягмар мэдэгдэл хийлээ.

Бадралмаа Б.-н зураг.

 5-р сарын 8-нд болсон жагсаалын үеэр хоёр асуудлаар ерөнхийлөгчид мэдэгдэл хүргүүлсэн. Үүнд Монголд улсад хөдөлмөрийн мөлжлөг явагдаж, олон улсын гэрээ конвенцуудыг зөрчиж байна. Иймд хөдөлмөрийн мөлжлөгийг зогсоох тухай зарлиг гарахыг, мөн төрийн албаны хуулинд нэмэлт өөрчлөлт оруулах замаар цалингийн дээд доод хэмжээг хязгаарлах итгэмжлэл тогтоож өгөх хуулийн төслийг УИХ өргөн барихыг хүссэн хүсэлтүүдийг гаргасны дагуу өчигдөр буюу 2018 оны 05-р сарын 15-ны өдөр Монгол Улсын Ерөнхийлөгч бидэнтэй ирж уулзсан. Мөн эрүүл мэндийн сайд Д. Сарангэрэлд УИХ гишүүний хувьд их хуралд нөлөөлж бидний дуу хоолойг төрд хүргэж өгөөч гэсэн хүсэлтүүдийг хүргүүлээд байгаа юм. Учир нь эрүүл мэндийн ажилчдын цалинг нэмэгдүүлэх эрх мэдэл нь эрүүл мэндийн сайдад байдаггүй, хөдөлмөр нийгмийн зөрчлийн улсын гурван талт хэлэлцээрээр шийддэг тул бид ийм хүсэлт хүргүүлсэн гэлээ. Гэвч энэ асуудлууд шийдвэрт хүрэх болоогүй шийдвэр гартал   тэмцлээ үргэлжлүүлнэ хэмээсэн.

Мөн 2018 оны 5 дугаар сар 15-нд хөдөлмөр нийгмийн хамгааллын гурван талт хэлэлцээрийг хийсэн байна. Хэлэлцээрийн үеэр 2019 оноос олон улсын валютын сангаар орж ирсэн зээл тусламжаас цалин нэмнэ хэмээн холбогдох албан тушаалтан мэдэгджээ. Иймд суулт зарлагсад энэ хэлэлцээрийг үргэлжлүүлэх шаардлаггүй хэмээн орхин гарч ирсэн. Энэ бол ард түмнээ доромжлож байгаа доромжлол хэмээн мэдэгдлээ.

  • Бадралмаа Б.-н зураг.
Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ