Ө.АМАР ХӨЛБӨМБӨГИЙН 2018 ОНЫ ДАШТ-ИЙГ ЭХЛҮҮЛЭХ ЭРХИЙГ ГАРДАН АВЛАА

p1cdecgllg1pfg909phj168u15n3.jpg Ө.АМАР ХӨЛБӨМБӨГИЙН 2018 ОНЫ ДАШТ-ИЙГ ЭХЛҮҮЛЭХ ЭРХИЙГ ГАРДАН АВЛАА
ОХУ-д болох хөлбөмбөгийн Дэлхийн аварга шалгаруулах тэмцээн эхлэхэд нэг сарын хугацаа үлдлээ.

Дэлхийн сая сая үзэгчийг цэнхэр дэлгэцийн өмнө татах цэнгэлийн манлай ногоон талбайн өрсөлдөөнд шилдэг 32 баг өрсөлдөх билээ. Тэгвэл монгол хүүхэд анх удаагаа ДАШТ-ий ногоон талбайд гарч тоглолтыг эхлүүлэх ховор агшин тохиогоод байгаа. Энэхүү азтай ганц эрхийн төлөө “Киа Моторс” корпорацийн Монгол Улс дахь албан ёсны дистрибьютер “Киа Моторс Монгол” ХХК-иас “My dream Kia” эссэ бичлэгийн уралдааныг зарлаад байсан юм.

Өчигдөр уралдаанд оролцогч 10-14 насны хүүхдүүдийн 665 бичлэгийн дүн гарч “Шинэ Монгол” сургуулийн тавдугаар ангийн сурагч Ө.Амар шалгарчээ. Тэрбээр англи хэлээр чөлөөтэй ярихаас гадна хөлбөмбөгийн үнэнч фанатын нэг аж. “My dream Kia” эссэ бичлэгийн уралдааны хоёрдугаар шалгаруулалтад 20 эссэ бичлэг шалгарч тэднээс есөн нь сүүлийн шатанд үлдээд байсан юм.

Эдгээр бичлэгээс Ө.Амар, Г.Содбилэг, О.Мөнгөнчимэг, Ө.Урангоо, А.Билгүүн нарын есөн хүүхдийн бичлэг үлдсэн. Тэд өчигдөр сүүлийн даваа болох шүүгчийн ярилцлаганд орж, ганц эрхийн төлөө дахин өрсөлджээ.
Эдгээр оролцогчдоос:
Би хөлбөмбөгчин болохыг мөрөөддөг

Ногоон талбайд дураараа гүйсэн
Суарес шиг гоё дамжуулдаг
Месси шиг гоол оруулдаг
Роналду шиг царайлаг
Неймар шиг сайн довтолдог
Дэлхийд нэрээ таниулсан

Дэндүү сайн хөлбөмбөгчин болно би гэж шүлэглэн 450 үгтэй эссэ бичлэгээ өндөрлүүлсэн Ө.Амар тэргүүлсэн байна. 2018 оны хөлбөмбөгийн Дэлхийн аварга шалгаруулах тэмцээний тоглолт тус бүрийг 25 улсаас шалгарсан 64 хөтөч хүүхэд эхлүүлэх бөгөөд тэдний нэг нь Ө.Амар боллоо.

Доод Новогород хотноо зургадугаар сарын 27-ны E хэсгийн гуравдугаар тойргийн Швейцарь-Коста-Рика багуудын тоглолтыг Ө.Анар эхлүүлэхээр болж, эцэг эхийн аль нэгэнтэй нь хойд хөршийг зорих юм байна.
Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ