ЕРӨНХИЙ САЙД У.ХҮРЭЛСҮХ ҮНДЭСНИЙ ЦЭЦЭРЛЭГТ ХҮРЭЭЛЭНД МОД ТАРИВ

p1cd9limfikav17971js9124fq003.jpg ЕРӨНХИЙ САЙД У.ХҮРЭЛСҮХ ҮНДЭСНИЙ ЦЭЦЭРЛЭГТ ХҮРЭЭЛЭНД МОД ТАРИВ

Өнөөдөр “Хүн бүхэнд цэвэр агаар, Мод бүхэнд ус” уриатай хаврын мод тарилтын нээлтийн үйл ажиллагаа Үндэсний цэцэрлэгт хүрээлэнгийн төв талбайд болж Монгол Улсын Ерөнхий сайд У.Хүрэлсүх оролцлоо.

Мөн НЗДТГ-ын удирдлага, албан хаагчид, НИТХ-ын төлөөлөгчид энэ ёслолд байлцаж мод суулгав. “Үндэсний цэцэрлэгт хүрээлэн” ОНӨТҮГ нийслэл хотын ногоон байгууламжийн массыг нэмэгдүүлэх, эрүүл эко орчныг бүрдүүлэх зорилтын хүрээнд жил бүрийн тав, 10 дугаар сард "Бүх нийтээр мод тарих үндэсний өдөр”-ийг албан байгууллага аж ахуйн нэгж, компани, иргэд, олон нийтийг татан оролцуулан зохион байгуулдаг.

Мөн Монгол Улсын их хурлын Тамгын газар, Ерөнхийлөгчийн Тамгын газар, Нийслэлийн Засаг даргын Тамгын газар, Дулааны III цахилгаан станц ТӨХК, “Орчлон” дунд сургууль, Улаанбаатар бүрэн дунд сургууль, “Моннис” групп, Монгол банк, Монгол Улсын Хөгжлийн банк, Олон улсын энэрлийн байгууллага зэрэг 40 гаруй иргэн, байгууллага хамт олон оролцож ногоон байгууламжийг нэмэгдүүлэхэд бодит хувь нэмэр орууллаа.

Мөн өмнөх жилүүдэд Үндэсний цэцэрлэгт хүрээлэнгийн талбайд мод тарьсан иргэд, байгууллагууд тарьсан модондоо арчилгаа, усалгаа хийж оролцлоо.

Д.Өлзий

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ