“МОНГОЛ ТУУРГАТНЫ БӨХИЙН БАРИЛДААН” ИРЭХ САРЫН 2-НД БОЛНО

p1cd6rhg0p19ud1qm0co314421rtc3.jpg “МОНГОЛ ТУУРГАТНЫ БӨХИЙН БАРИЛДААН” ИРЭХ САРЫН 2-НД БОЛНО

МҮБХ-ны албан ёсны зөвшөөрөлтэйгээр “Хамаг Монгол” студи, бөхийн “Жавхлант” дэвжээ хамтран “Монгол туургатны бөхийн барилдаан”-ыг 2018 оны зургадугаар сарын 02-ны өдөр Төв цэнгэлдэх хүрээлэнд зохион байгуулна.

Монгол үндэсний бөх, үзэмчин бөх, буриад бөхийн барилдаан тус бүрийн түрүү бөх гурван сая төгрөгийн бай гардаж, азтай 1 үзэгч шалгаруулан “PRIUS-30” автомашин бэлэглэнэ.

“Монгол туургатны бөхийн барилдаан”-ы журмыг танилцуулахад, Бөхчүүдээ олноор хамруулахын тулд 1 бөх нэг төрлийн барилдаанд барилдана. Буриад 128 бөхийн барилдаан сугалаагаар явагдах бөгөөд зочин 40 бөх шууд оролцоно. Манай бөхчүүдээс 88 бөх орж барилдана. Үзэмчин 128 бөхийн барилдаан сугалаагаар барилдах бөгөөд зочин 40 бөх шууд оролцоно. Манайхаас улс, аймгийн алдар цолтой 88 бөх оролцоно.

Монгол үндэсний бөхийн барилдаанд улс аймгийн алдар цолтой 96 бөх барилдана. Зочин 32 бөх хоорондоо барилдана. Зочин бөхчүүдээс 4 давж түрүү үзүүрт шалгарсан 2 бөх, манай 96 бөхөөс шөвгийн гуравт шалгарсан 3 бөхтэй тойргоор барилдаж, нэгээс тавдугаар байр эзэлнэ.

Барилдах бөхчүүдийг 2018 оны зургадугаар сарын 02-ны өдрийн 11 цагт Төв цэнгэлдэхэд бүртгэнэ. Бүртгүүлэхээр ирсэн дарааллаар аль барилдаанд барилдахыг сугалуулна. Цагаан өнгийн бөмбөг сугалвал буриад бөхөөр, хөх бөмбөг сугалвал монгол үндэсний бөхөөр, улаан бөмбөг сугалвал үзэмчин бөхөөр барилдах юм. Гурван төрлийн бөхийн барилдааны бай шагнал адил байна. Монгол үндэсний бөхийн барилдаанд туршилтаар барьц сонгохгүй барилдана.

Д.Өлзий

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ