Г.МАНДАХНАРАН ДЭЛХИЙН ЧАНСААГ ТЭРГҮҮЛСЭН ХЭВЭЭР БАЙНА

p1cd493c2beiq1h2uarq8c41urg3.jpg Г.МАНДАХНАРАН ДЭЛХИЙН ЧАНСААГ ТЭРГҮҮЛСЭН ХЭВЭЭР БАЙНА
Дэлхийн бөхийн нэгдсэн холбоо өнгөрсөн долоо хоногт ОХУ-ын Каспийск хотод болсон Европын АШТ, Перугийн нийслэл Лимад болсон Пан Америкийн АШТ-ий дараа дэлхийн чансааг шинэчлэн гаргажээ.

Гуравдугаар сард Бишкект болсон Ази тивийн АШТ-ий дараа гавьяат тамирчин Г.Мандахнаран, ОУХМ Н.Золбоо, Л.Төртогтох, Ц.Цогбадрах гэсэн манай дөрвөн бөх дэлхийн чансааг тэргүүлсэн юм.

Харин Европ, Пан Америкийн аваргын дараа чансаанд нэлээд өөрчлөлт орж, 74 кг-д ДАШТ-ий хошой хүрэл медальт, гавьяат тамирчин Г.Мандахнаран 32 оноогоор дэлхийг чансааг өнгөлсөн хэвээр үлдэж, манай бусад бөхчүүдийн чансаа буурсан байна. Тухайлбал, 57 кг-д Ц.Цогбадрах 32 оноотой аман хүзүүдсэн бол, Л.Төртогтох 92 кг-д 27, Н.Золбоо 125 кг-д 35 оноотой тус тус гуравдугаар байрт бичигджээ.

ОХУ-ын бөхчүүд эрэгтэйчүүдийн дэлхийн чансаанд хүч түрэн орж ирлээ. Манай бөх Г.Мандахнаран болон 125 кг-д АНУ-ын Ник Гвяздовски нараас бусад бүх жинд Оросын бөхчүүд чансааг тэргүүлж байгаа юм.

Д.Өлзий
Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ