БУУДЛАГЫН СПОРТЫН ДЭЛХИЙН ЦОМЫН АШТ-Д О.ГҮНДЭГМАА ЦЭЦ СОРИНО

p1cd489q67osi12ojh4jhsq1ocp3.jpg БУУДЛАГЫН СПОРТЫН ДЭЛХИЙН ЦОМЫН АШТ-Д О.ГҮНДЭГМАА ЦЭЦ СОРИНО
Германы Мюнхен хотноо энэ сарын 22-нд эхлэх буудлага спортын Дэлхийн цомын аварга шалгаруулах тэмцээнд Хөдөлмөрийн баатар, олимпийн мөнгөн медальт гавьяат тамирчин О.Гүндэгмаа тэргүүтэй манай баг тамирчид цэц мэргэнээ сорино.

Энэ тэмцээнд Монголын буудлага спортын үндэсний шигшээ багийн зургаан тамирчин дасгалжуулагч Л.Ундралбат, Ж.Ганхуяг нарын удирдлага дор оролцохоор ирэх долоо хоногт хилийн чанадыг зорино. ДЦАШТ-ий эмэгтэйчүүдийн гар бууны төрөлд Хөдөлмөрийн баатар, гавьяат тамирчин О.Гүндэгмаа болон Азийн аварга Ц.Мөнхзул, Т.Баярцэцэг нар оролцоно. Харин урт бууны төрөлд “Рио-2016” олимпийн наадам эх орноо төлөөлсөн Г.Нандинцэцэг, Азийн наадмын аварга Ч.Нарантуяа нар цэцээ сорино.

Эрэгтэйчүүдээс Н.Баяраа урт бууны төрөлд, Э.Даваахүү гар бууны төрөлд сум тавина. Монголын спортын “топ” төрөлд ордог буудлагынхан ийнхүү Мюхены Дэлхийн цомд бүрэн бүрэлдэхүүнээрээ оролцоно.

Д.Өлзий
Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ