Д.Дашням: Ард түмэндээ цусаа өгч, буян болж байна гэдэг маш том хандив юм

2018-05-07_11.20.15.jpg Д.Дашням: Ард түмэндээ цусаа өгч, буян болж байна гэдэг маш том хандив юм

Олон улсын Улаан загалмайн өдөр, Монголын хүмүүнлэгийн өдрийг жил бүрийн тавдугаар сарын 8-ны өдөр тэмдэглэдэг уламжлалтай. Энэ жилийн хүмүүнлэгийн өдрийг “Инээмсэглэл” уриан дор тэмдэглэж, хүн хүндээ энэрэл хайр, инээмсгэлэл бэлэглэж, хүмүүнлэгийн үйлсийг түгээн дэлгэрүүлэхийг уриалж байна.

МУЗН хүмүүнлэгийн өдрөө өчигдөр тэмдэглэж, “Алтан донор”, “Хүндэт донор”-ын буянт үйлстэндээ  шагнал гардуулсан юм. Энэ үеэр “Алтан донор”-ын эзэн болсон Д.Дашнямтай цөөн хором ярилцав.

-Алтан донор болсонд баяр хүргэе. Та хүмүүсийн эрүүл мэнд, амь насыг аварч, хамгаалахад сайхан буян үйлджээ. Та сэтгэгдлээ хуваалцна уу?

- Би 2000 оноос хойш 18 жил цусаа өгч байна. Ард түмэндээ тус болох гэж буяны үйлс хийж байгаадаа баяртай байна.

-Энэ олон жил цусаа өгч байгаа таны хувьд эрүүл мэндэд ямар нэгэн өөрчлөлт гарч байсан уу?

-Буяны үйлсэд цусаа өгч байгаа учир биенд ямар ч өөрчлөлт гардаггүй. Миний даралт ихэсдэггүй, ямар нэгэн өвчин тусдаггүй. Цусаа өгөхдөө бүх төрлийн шинжилгээнд ордог. 14 хоноод цусны шинжилгээ өгдөг. Би залуустаа хандаж цусаа өг, ард түмэндээ буян бол гэж уриалж байгаа юм.

-Алтан донор болсон хүн хэдэн удаа цусаа өгсөн байдаг юм бэ?

-15 удаа цусаа өгсөн бол хүндэт донор болдог. Мөн 150 удаа цусаа өгч, 450 хүний амийг аварсан хүнд Алтан донор өгдөг юм байна. Ард түмэндээ цусаа өгч, буян болж байна гэдэг маш том хандив юм.

Б.Баярмаа

 

 

 

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ