Дэлхийн сонгодог бүтээлүүдийг хүүхдүүд тоглоно

delhiin_songodog.jpg Дэлхийн сонгодог бүтээлүүдийг хүүхдүүд тоглоно

ЕБС-ийн ахлах ангийн сурагчдын дунд дүүрэг тус бүрийн авъяаслаг хүүхдүүдийг сонгон авч дэлхийн сонгодог жүжгүүдийг тоглох  уралдааныг заралжээ. Нийслэлийн хүүхэд, Гэр бүл хөгжлийн газар, СУИС, МҮОНРТ, Нийсэлийн Соёл, Урлагийн Газар хамтран зохион байгуулж байгаа энэхүү тэмцээн нь хүүхдийг театрын соёлд сургах, соёл урлагийн боловсрол олгох зориолготой “Бидний театр” жүжгийн удалдаан юм. Тэмцээний талаар Нийслэлийн Соёл, Урлагийн газар болон Нийслэлийн хүүхэд, гэр бүл хөгжлийн газрын төлөөлөлүүд мэдээлэл хийлээ.  Тус уралдаанд дүүрэг тус бүр 1 жүжиг сонгон авч УДЭТ-аас сонгосон найруулагчид жүжгийг найруулан тавих юм байна.

Уг төсөл 5-р сарын 05-наас эхлэсэн бөгөөд 100 гаруй сургуулийн 10 мянга гаруй хүүхдүүд эхний шатны жүжгүүдээ толилуулжээ. Театрын найруулагчид хэдийнээ ажилдаа орж сурагчдын бэлтгэл эхэлсэн талаар мэдэгдлээ.

Хан-Уул дүүрэгт найруулагч Ц. Жаргалсайхан, В. Хюгогийн “Парисын дарь эхийн сүм” жүжиг, Баянзүрх дүүрэг дүүрэгт найруулагч Д. Сайнбуян, Б. Лхагвасүрэнгийн “Тамгагүй төр” жүжгийг, Баянгол дүүрэгт найруулагч Б. Болдхүү, М. Сервантесийн “Кихот ноён”, жүжиг, Багануур дүүрэгт найруулагч А. Нямцэрэн, У. Шекспирийн “Гамлет” жүжгийг, Сүхбаатар дүүрэгт, найруулагч Б. Шинэбаяр У. Шекспирийн “Ромео Жульетта” жүжгийг, Налайх дүүрэгт Я. Билгүүнсар, У. Шекспирийн “III Ричард хаан” жүжгийг, Чингэлтэй дүүрэгт найруулагч Ч. Батнайрамдал, Ф. Шиллерийн “Хар санаа хайр сэтгэл” жүжгийг, Сонгинохайрхан дүүрэгт найруулагч У. Дэлгэрбуян, У. Шекспирийн “Зуны шөнийн зүүд” жүжгийг бэлдэж байгаа юм байна.

Уралдааныг 2 үе шаттайгаар явуулж байгаа бөгөөд эхний шат нь дүүргийн ЕБС тус бүрээс 100 хүүхдэд тухайн жүжгийг үзүүлнэ. Хоёрдугаар шат Нийслэлийн Улаанбаатар чуулгад 2018 оны 05 сарын 8-9-ны өдрүүдэд явагдаж мэргэжлийн хүмүүс жүжиг бүрт үнэлгээ өгч шалгаруулна хэмээн мэдээлэлсэн. Уралдаанд оролцсон бүтээлийг МҮОНРТ-ийн контент болгож, шилдэг жүжиг 1-3-р байр, шилдэг эрэгтэй эмэгтэй гол болон туслах дүрүүд, шилдэг найруулагчийг тодруулах аж.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ