ШООВДОРЛОГДСОН МОРЬ ЭЗНЭЭ ШҮҮХЭД ӨГЧ 100 МЯНГАН ДОЛЛАР НЭХЭМЖИЛЖ БАЙНА

17637120_10155977007384554_4077592602424856150_o.jpg ШООВДОРЛОГДСОН МОРЬ ЭЗНЭЭ ШҮҮХЭД ӨГЧ 100 МЯНГАН ДОЛЛАР НЭХЭМЖИЛЖ БАЙНА

АНУ-ын Орегон мужийн оршин суугч, 51 настай Гвендолин Верчер морио өвлийн хүйтэнд эзэнгүй орхисныхоо төлөө шүүхэд дуудагдахад хүрчээ. Учир нь түүний энэ бусармаг үйлдлээс болж хоргодох газаргүй болсон хөөрхий морь хөлдөх шахаж, эцэж туран арьсны халдвар авсан  байна. Үүнийг анзаарсан хөршүүд нь морийг мал эмнэлэгт аваачиж, шаардлагатай бүх эмчилгээг хийлгэжээ. Удалгүй амьтны эрхийг хамгаалагчид эзнийг нь шүүхэд өгч, 100 мянган доллар нэхэмжлэх болсон юм. Энэ мөнгийг хайхрамжгүй эзнээс нэхэмжилж аваад морины цаашдын эмчилгээнд зарцуулах гэнэ. Мал эмнэлгийн дүгнэлтээр морь хатангиршиж, бөөстөж хууртсан нь тогтоогдсон байна.

Орегон мужийн дээд шүүх 2014 онд амьтдыг гэмт хэргийн хохирогч болох субъект мөн гэж үзээд хуулиар эрхээ хамгаалуулахыг нь зөвшөөрчээ. Дээрх тохиолдолд морь нь хүнтэй адил эрх эдэлж, өмнөх эзнээ шүүхэд өгсөн бөгөөд өмнөөс нь өмгөөлөгч нарын баг хүртэл ажиллаж байна. Тус мужийн хууль тогтоогчид амьтдыг харгис хэрцгийллээс хамгаалахын төлөө ажилладаг ажээ.

Олон улсад амьтны эрхийг хамгаалах “Universal Declaration on Animal Welfare” гэсэн баримт бичиг бий. 2000 онд амьтны эрхийг хамгаалах зорилготой төрийн бус байгууллагууд нэгдэж, энэхүү тунхаглалыг санаачилсан бөгөөд зорилго нь амьтныг хэрцгий балмад болон тарчлаан зовоох үйлдлээс хамгаалах, гэрийн, фермийн, зэрлэг байгалийн амьтдыг хүмүүнлэг аргаар өсгөх, тэжээх, туршилтанд оруулах, үржүүлэх стандартыг бататгах юм.

Эх сурвалж: www.odditycentral.com

Ardchilal.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ