БНХАУ БОЛОН БНАСАУ-ЫН ГАДААД ХЭРГИЙН САЙД НАР СОЛОНГОСЫН ХОЙГ ДАХЬ НӨХЦӨЛ БАЙДЛЫГ ХЭЛЭЛЦЖЭЭ

p1cchnu9qr1a0m10gn1n5fcho1j853.jpg БНХАУ БОЛОН БНАСАУ-ЫН ГАДААД ХЭРГИЙН САЙД НАР СОЛОНГОСЫН ХОЙГ ДАХЬ НӨХЦӨЛ БАЙДЛЫГ ХЭЛЭЛЦЖЭЭ
БНАСАУ-ын гадаад хэргийн сайд Ри Ён Хо болон БНХАУ-ын Төрийн зөвлөлийн гишүүн бөгөөд Гадаад харилцааны сайд Ван И нар Пхеньянд уулзах үеэрээ Солонгосын хойг дахь нөхцөл байдлыг хэлэлцлээ гэж Солонгосын Төв цахилгаан мэдээний агентлаг мэдээлэв.
 
Айлчлалын үеэр Ван и Пхеньян болон Вашингтоны яриа хэлэлцээ амжилттай өрнөнө гэдэгт итгэлтэй буйгаа илэрхийлэхийн сацуу Солонгосын хойгийг цөмийн зэвсгээс ангижруулах зорилгодоо хүрэх Умард Солонгосын хүчин чармайлтад Хятад улс бүрэн дэмжлэг үзүүлнэ гэж мэдэгдсэн байна.  
 
Гуравдугаар сарын сүүлчээр Умард Солонгосын удирдагч Ким Жөн Ун Хятадад айлчилсан билээ. Энэ айлчлал нь 2011 онд БНАСАУ-ын удирдагч болсноосоо хойш Ким Жөн Уны гадаад улсад хийсэн анхны айлчлал болсон юм. Уулзалтын дүнд Ким Жөн Ун БНХАУ-ын даргыг Умард Солонгост айлчлахыг урьсан бөгөөд тус урилгыгг Ши Жиньпин хүлээн авсан байна.  
 
Э.Аянзаяа 
Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ