"БҮРЭН БҮТЭН АМЬДРАЛ" ХҮҮХДИЙН ЗУРГИЙН ҮЗЭСГЭЛЭН ГАРЛАА

p1ccg0mspf9shkqnhhv11g1ppa5.jpg "БҮРЭН БҮТЭН АМЬДРАЛ" ХҮҮХДИЙН ЗУРГИЙН ҮЗЭСГЭЛЭН ГАРЛАА

Завханд "Хүүхдийг зодож шийтгэхийн эсрэг дэлхийн өдөр"-ийг тохиолдуулан “Бүрэн бүтэн амьдрал” нэртэй хүүхдийн зургийн үзэсгэлэн нээлтээ хийв.
Энэхүү үзэсгэлэн гурван өдөр үргэлжлэх бөгөөд "Хүүхдээ хамгаалъя" нэгдсэн арга хэмжээний хүрээнд аймгийн Цагдаагийн газар, ГБХЗХГ, Дэлхийн зөн Монгол ОУБ-ын Завханхангай орон нутгийн хөтөлбөрөөс хамтран зохион байгуулжээ. Үзэсгэлэнд ерөнхий боловсролын сургуулийн 60 гаруй хүүхдүүдийн шилдэг бүтээл тавигджээ. Хүүхдүүд өөрсдийн нүдээр бүрэн бүтэн амьдралыг өөр өөр өнцгөөс харж, бодож явдгаа уран зургаар илэрхийлсэн байна.

Мөн зарим зураач хүүхдүүд өөрсдийн бүтээлийн утга санааг үзэсгэлэнгийн үеэр тайлбарлаж насанд хүрэгчдэд хүүхдүүдийн сэтгэл зүрх яг л ийм байдаг шүү. Тэд илүү их хангалуун амьдралыг мөрөөдөхөөс илүү аав ээжтэйгээ хамт л байхыг тайван орчинд амьдрах, тэдний зүрх сэтгэлийг, үгийг сонсдог байхыг л хүсдэг тухай хэлж ярьж байв. Энэ удаагийн үзэсгэлэнд тавигдсан бүтээлүүд аймгийн ГБХЗХГ-ийн фондод хадгалагдах бөгөөд зурагт хуудас болгож хүүхдийн хүчирхийллийн эсрэг сурталчилгаанд ашиглагдах ажээ.

Б.Мягмарсүрэн 

 
Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ