Онг Минг Чуан: Хувь хүний амьдралд даатгалын компанийн тоглодог дүрэм маш өндөр ашигтай

Ong.jpg Онг Минг Чуан: Хувь хүний амьдралд даатгалын компанийн тоглодог дүрэм маш өндөр ашигтай

Сингапур Улсын APEX advisory Group-ын Хөрөнгийн хамгаалалт, Хөрөнгийг өсгөх, үржүүлэлтийг хариуцсан, Өв хөрөнгөө үр хүүхэддээ хэрхэн өвлүүлэх талаар мэргэшсэн удирдлагуудын нэг Sean Ong Ming Chuan Ард Санхүүгийн Нэгдэл компанийн хувьцаа эзэмшигчдийн хуралд ирж, “Амьдралын даатгал” сэдвээр илтгэл тавьсан.

Түүнтэй Сингапур Улсын даатгалын компанийн онцлог болон хувьцаа эзэмшигчдийн ашиг хожооны талаар ярилцлаа.

-Та Сингапур Улсад амьдралын даатгал ямар байдлаар хэрэгждэг талаар танилцуулсан. Монголын Ард Санхүүгийн Нэгдэл компанийн тайлангийн хурлаас хувьцаа эзэмшигчдийн хөгжлийн түвшинг ямар өнцгөөс харж байна вэ?

- Ард Санхүүгийн Нэгдэл компанийн хувьцаа эзэмшигчдийн тайлангийн хурлыг хөндлөнгөөс  ажиглаж, хараад энэхүү хувьцаа эзэмшигчдийн хурал маш мэргэжлийн түвшинд болж байна гэж үзлээ. Мөн зарим зүйлээрээ Сингапур Улсын даатгалын зарим компаниудаас ч илүү сайн зохион байгуулжээ. Хуралд ирсэн хүмүүс маш анхааралтай, идэвхитэй хандаж байна.

-Сингапур Улсад иргэдийнхээ амьдралын даатгалын асуудлыг яаж шийдсэн байдаг вэ?

-Сингапур Улсад амьдралын даатгалын асуудал хувь хүний амьдралын хамгаалалт болж байдаг. Жишээ нь,таныг элдэв янзын осол, эндэгдэлд өртөхөд үр хүүхдүүд болон танд тэр даатгуулсан мөнгийг өгдөг. Мөн таны мөнгийг өсгөж өгдөг дүрэмтэй.

-Мөнгийг яаж өсгөж өгдөг юм бэ?

-Сингапур Улсад хүмүүс мөнгөө даатгалын компанид өгөхөөр тэр мөнгийг нь хөрөнгө оруулалтанд эргэлдүүлдэг. Ингэж л мөнгийг өсгөж өгдөг юм. Мэдээж мөнгийг нь өсгөж өгөхдөө инфляцийн үнийн хэлбэлзлийг тооцож, анх оруулсан мөнгийг нь мөн өсгөдөг. Энэ талд их анхаардаг.

-Тухайн компани хувьцаа эзэмшигчдийнхээ мөнгийг өсгөж өгөхдөө ямар ч эрсдэл учруулдаггүй юу?

-Сингапур Улсад нэгд, амьдралын даатгалын хамгаалалт нь хуулиар ямар ч эрсдэлгүй зохицуулагдсан. Хоёрт, мөнгө өсгөж өгөхөд хүү яригдана шүү дээ. Үүний зарим хувь нь хуулиар хамгаалагдсан байдаг. Гэхдээ Хөрөнгө оруулалтын компани ямар нэгэн эрсдлийг дагуулдаг учир тодорхой хэмжээний эрсдэлтэй байдаг ч хуулиар зохицуулдаг.

-Сингапур Улсын иргэдийн хэдэн хувь нь даатгалын компанидаа хувьцаа эзэмшээд, мөнгөө хэр их өсгөдөг юм бол?

-Хүн амын 80-90 хувь нь даатгалын компаниар их үйлчлүүлж, тийшээ их очдог юм. Хувь хүний амьдралд даатгалын компанийн тоглодог дүрэм маш өндөр ашигтай гэсэн үг. Ялангуяа дундаж болон дундажаас доогуур хүмүүс даатгалын компанид их итгэдэг.

-Тухайн компани хувьцаа эзэмшигч, даатгуулагч хүмүүсийн амьдралын чанарыг хэр дээшлүүлдэг юм бэ?

-Амьдралын статусыг нөгөө статуст өөрчлөхөд даатгалын компани нэг их үүрэггүй. Жишээ нь, баян хүн үр хүүхэдүүддээ мөнгөө үлдээнээ гэдэг нь хуулиар маш сайн хамгаалалттай байдаг онцлогтой. Жирийн хувьцааны бизнес шиг хүний амьдралыг дээш, доош нь болгоно гэсэн зүйл байхгүй.

Ярилцсан Б.Баярмаа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ