Д.Болдын дууны сонголт Л.Насанбуянг зодог тайлахад хүргэв үү

7q0p8cvc1x.jpg Д.Болдын дууны сонголт Л.Насанбуянг зодог тайлахад хүргэв үү

Эхний шатанд дөрвөн шүүгчийг бүгдийг нь эргүүлж, дуучин Д.Болдын багийг сонгосон тэрээр халз тулааны шатанд “Anemone” хамтлагийн гишүүн Жаннаг ялж, дараагийн шатанд оролцох эрхээ олж авсан. Тэр үеэс хүмүүсийн хүчтэй шүүмжлэлтэй тулгарсан ч энэ хүртэл яаж хөдөлмөрлөснийг минь хэн ч мэдэхгүй хэмээн сэтгэлийн үгээ өөрийн фэйсбүүк хуудаснаа нийтэлж байсан билээ.

Харин тэрээр өчигдөр орой шоуг өндөрлүүлэхдээ “Би энэ шоугаар цаашаа дуулах уу, үгүй юу гэдгээ шийдэх гэж байсан” хэмээн хоолой зангируулсан нь олон нийтийг жинхэнэ цочролд оруулсан юм.

Түүнийг чамгүй сайн уран бүтээлч хэмээн мэргэжлийхэн үнэлдэг. Хит дуутай байх эсэх нь тийм ч чухал биш шүү дээ. Тиймээс түүнийг шоунаас болж урлагаа орхих нь тэнэг алхам болно хэмээн шүүмжлэх хүмүүс нэлээд байна. Магадгүй энэ удаагийн шатанд түүний үлдэж чадаагүй, зодог тайлах тухай цухуйлгасан нь дуучин Д.Болдын түүнд сонгосон дууны сонголтоос ч болсон байж мэднэ. Хэдийгээр шинэ өнгө төрх, шилдэг шийдэл байсан ч Насаагийн хоолойнд рок дуу тохирох уу, үгүй юу гэдэг тун эргэлзээтэй асуудал юм. Ямартай ч Д.Болд ч, үзэгчид ч сонголтоо хийсэн. Харин Л.Насанбуянгийн цаашид хийх сонголт зөв байгаасай.

Б.Баргужин

www.breakingnews.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ