ӨВӨРХАНГАЙ АЙМАГТ ХҮҮХЭД, ЗАЛУУЧУУДЫН ОРДНЫ ШАВ ТАВИЛАА

p1cc6gr024jg8k1n5uqahk1ddd3.jpg ӨВӨРХАНГАЙ АЙМАГТ ХҮҮХЭД, ЗАЛУУЧУУДЫН ОРДНЫ ШАВ ТАВИЛАА
Үе үеийн хүүхэд, багачуудын хүсэл, мөрөөдөл биелж, Өвөрхангай аймаг Хүүхдийн ордонтой болох ажлын суурь тавигдлаа. Өнгөрөгч баасан гарагт барилгын шавыг тавих үйл ажиллагаа болсон бөгөөд 2500 м/кв талбай бүхий гурван давхар Хүүхэд, залуучуудын ордон ирэх 11 сард бүрэн ашиглалтад орно.

Ордны барилгыг “ӨВМТХ” ХХК гүйцэтгэх юм. Тус компанийн захирал Г.Хосбаяр хэлэхдээ “Барилгын ажлыг нэр төртэйгээр гүйцэтгэж чадна гэдэгтээ итгэлтэй байна. Бид чанарыг эрхэмлэж, төмөр бетон карказан барилга барина. Ийм барилга 150-180 жилийн насжилттай байдаг” гэж байв. Аймгийн ИТХ-ын дарга А.Ишдорж “Ажлыг цаг хугацаанд нь чанартай хийж хүлээлгэж өгнө гэдэгт итгэлтэй байна. Хүүхдүүдээ багаас нь авъяас, хүсэл сонирхлыг нь нээн хөгжүүлбэл ирээдүйд өөрийнхөө, аав ээжийнхээ, нутаг орныхоо нэрийг дуурсгасан бүтээлч, чадварлаг иргэн болж төлөвших юм. Аймгийн ИТХ-аас 2018 оныг “Хүүхдийн хөгжил хамгааллын жил” болгон зарлаж, аймгийн нийт хөрөнгө оруулалтын 80 орчим хувийг хүүхэд рүү чиглэсэн бүтээн байгуулалт, үйл ажиллагаанд зориулахаар төлөвлөөд байна” гэв.
Улсын төсвийн тэрбум орчим төгрөгөөр барих Хүүхэд залуучуудын ордон нь Хүүхэд залуучуудын паркийн дэргэд байрлах бөгөөд төв замаас ордон руу чиглэсэн 695 метр авто замыг тавих аж.
Б.Батчимэг
Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ