Бүтээлч сурагчдыг МЗХ-ны “Залуу зохион бүтээгч” цол тэмдгээр шагналаа

c8286fa8-96d5-4910-aadc-f3b007e1f251.jpg Бүтээлч сурагчдыг МЗХ-ны “Залуу зохион бүтээгч” цол тэмдгээр шагналаа

Залуучуудын сэтгэлгээний цар хүрээ жилээс жилд нэмэгдэж, орчин тойрондоо харагдаж буй асуудлуудыг шийдэхээр оюунаа уралдуулж, сэтгэж олсноо бүтээл болгон харуулж, бүтээгч инженерүүд болохоор бэлтгэгдэж буй сурагчид цөөнгүй билээ.

Тэгвэл өчигдөр буюу энэ сарын 26-ны өдөр Нийслэлийн 38-р дугаар сургуулийн 9б ангийн сурагч Л.Түвшинтөр, “Шинэ зууны удирдагч” бүрэн дунд сургуулийн 8а ангийн сурагч Н.Цогттэнгэр, 3-р сургуулийн 9г ангийн сурагч Д.Түвшинбаяр нарыг МЗХ-ны “Залуу зохион бүтээгч” шагналаар шагналаа. Өсвөрийн зохион бүтээгчдийн амжилтаас дурдвал,

Лхамсүрэн овогтой Түвшинтөр нь “Хүүхдийн урлан бүтээх төв”-ийн Техник загварын дугуйланд 3 дахь жилдээ суралцаж байгаа бөгөөд Протон пуужингийн загвар, F1D загвар, F1N загвар, кордын загварыг тус тус зохион бүтээж, “Дэлхийн оюуны өмчийн өдөр”-ийг тохиолдуулан Техник загварын үзэсгэлэнгээ гаргасан байна. Мөн МСХ-ны “Эрдэм оюун” мөнгөн медалиар шагнагдсан.

Ням-Очир овогтой Цогттэнгэр нь “Хүүхдийн урлан бүтээх төв”-ийн Техник загварын дугуйланд 3 дахь жилдээ суралцаж байгаа бөгөөд нисдэг машины загвар, F1D загвар, F1N загвар, Союуз 39 хөлгийн загварыг тус тус зохион бүтээсэн бөгөөд “Хүрэл тогоот” эрдэм шинжилгээний хуралд амжилттай оролцож тусгай байрын шагнал хүртсэн. Мөн МСХ-ны “Эрдэм” алтан медалиар шагнагдсан.

Дандивсүрэн овогтой Түвшинбаяр нь “Хүүхдийн урлан бүтээх төв”-ийн Техник загварын дугуйланд 2 дахь жилдээ суралцаж байгаа бөгөөд Союуз 39 пуужингийн загвар, ЯК50 загвар, Японы КИ61 хөлгийн загваруудыг хийж амжилттай туршсан. Мөн Союуз 39 хөлгийн загварыг шинээр зохион бүтээж, Монгол хүн сансарт ниссэний 35 жилийн ойн үзэсгэлэнд амжилттай оролцсон бөгөөд “Дэлхийн оюуны өмчийн өдөр”-ийг тохиолдуулан Техник загварын үзэсгэлэнгээ гаргасан байна.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ