МОНГОЛЫН ЭРДЭМТЭН СУДЛААЧДЫН БҮТЭЭЛИЙГ ЦАХИМ НОМЫН ХУДАЛДААНЫ СИСТЕМЭЭР НИЙТЭД ТАНИУЛЖ ЭХЭЛЛЭЭ

p1cbtdah4diks1j96kgv1338pbk3.jpg МОНГОЛЫН ЭРДЭМТЭН СУДЛААЧДЫН БҮТЭЭЛИЙГ ЦАХИМ НОМЫН ХУДАЛДААНЫ СИСТЕМЭЭР НИЙТЭД ТАНИУЛЖ ЭХЭЛЛЭЭ
Өнөөдөр Монголын эрдэмтэн судлаачдын онолын болон хэрэглээний судалгаа, шинжилгээний ажлын үр дүн, шинэ технологи, инновацийн бүтээгдэхүүнийг олон нийтийн хүртээл болгох нээлтийн ёслол боллоо.

Дэлхийн оюуны өмчийн өдөр, Дэлхийн номын өдрийг тохиолдуулан /2018.04.25/ тус цахим номын худалданы системийг бий болгох нээлтийн ёслол ШУА-ийн Хурлын танхимд зохион байгуулсан юм.



Хүн төрөлхтөн XXI зуунд шинжлэх ухаан, технологийн хөгжил дэвшлийг илүү урагш ахиулж, түүний үр шимийг хүртэх чадавхийг хэрхэн бий болгосноос ихээхэн хамааралтай билээ. ШУА нь салбарын мэдээллийн менежментыг хөгжүүлэх, байгууллагын дотоод мэдээллийн системийг шинэчлэх ажлын хүрээнд мэдээллийн технологийн орчин үеийн боломжийг бүрэн ашигласан нэгдсэн бодлоготой цахим системийг /www.ac.mn/-ийг шинээр хөгжүүлж, тус академийн бүх түвшинд нэвтрүүлэх ажлыг зохион байгуулсан байна. Улмаар нэгдсэн мэдээллийн “Дундын том сан” бий болж хэрэглэгчид болон байгууллага хоорондын харилцаа холбоо сайжирч, хамтын ажиллагааны үр шим нэмэгдэх чухал ач холбогдолтой.



Энэхүү цахим номын худалдааны системийн нээлтийн ёслолд ШУА-ийн Ерөнхийлөгч Д.Рэгдэл, Тэргүүн дэд ерөнхийлөгч, академич Чулуунбаатар, эрдэмтэн нарийн бичгийн дарга, доктор Б.Авид, ОӨУБУГ-ын аж үйлдвэрийн өмчийн газрын шинэ бүтээлийн шинжээч Б.Оргилмаа болон Эрдэм шинжилгээний хүрээлэнгүүдийн захирал, эрдэмтэн нарийн бичгийн дарга нар, эрдэмтэн, судлаачдын төлөөлөл оролцлоо.

ШУА-ийн цахим номын худалдааны системийг хөгжүүлэх ажлыг “Гөү Смарт” ХХК гүйцэтгэсэн байна. Цахим номын дэлгүүрт нийгмийн ухаан, байгалийн ухаан, анагаах ухаан, хөдөө аж ахуй, техник, технологи зэрэг бүх салбарын шинжлэх ухааны бүтээл бүхий номнууд байх юм.



Тухайлбал, өнөөдрийн байдлаар Монгол аман зохиолын туурвил зүй, Монгол хэлэн дэх самгарди махбод, Монгол хэлний түүхэн авиа зүйн үндэс, Монгол орны мезозойн хурдсын судалгаа, Монгол орны урьдкембри, кембрийн геологи ба палеонтологи, Монголын палеонтологи II, III, Ертөнцийн товч түүх, Физикийн үндсэн сурах бичиг, Монгол орны шилний түүхий эд, шилний шинж чанар зэрэг шинжлэх ухааны бүтээлийн талаар 24 номын онлайн худалдааны танилцуулгыг гаргаад байгаа аж.

Д.Өлзий
Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ