ЖЮҮ ЖИЦҮГИЙН ДЭЛХИЙН ХҮҮХДИЙН ИХ НААДМААС 17 АЛТАН МЕДАЛЬ ХҮРТЖЭЭ

p1cbosttgf7851hl1ldm101k11v43.jpeg ЖЮҮ ЖИЦҮГИЙН ДЭЛХИЙН ХҮҮХДИЙН ИХ НААДМААС 17 АЛТАН МЕДАЛЬ ХҮРТЖЭЭ
 Жюү жицүгийн дэлхийн хүүхдийн их наадамд эх орноо төлөөлөн оролцсон тамирчдаас зургаан настай А.Хүслэн хамгийн залуу дэлхийн аварга болжээ.

Тэрбээр Kids-2 ангиллын 23 кг-д алтан медаль хүртжээ. Арабын нэгдсэн Эмират улсын Абу Даби хотноо болсон уг тэмцээнд дэлхийн 1000 гаруй тамирчин өрсөлдсөн байна. Манай улсаас 30 тамирчин оролцож байгаа юм. Өнөөдрийн байдлаар 17 алт, 7 мөнгө, 8 хүрэл медаль хүртээд байна.



Тухайлбал, "Garuda" клубын тамирчид болох төрсөн ах дүү Б.Алтан-Эрдэнэ, Б.Ган-Эрдэнэ нар алт, мөнгөн медаль, "MONDE BJJ" клубын тамирчин Ж.Цэгмид мөнгөн медаль, Сэлэнгэ аймгийн "Шинэ Бадрах" дэвжээний тамирчин З.Содбилэг алт, цагаан бүсний ангилалд Л.Соёмбо хүрэл медаль, цагаан бүсний М2 ангиллын 77 кг-д Л.Соёмбо хүрэл медаль, цагаан бүсний 62 кг-д Хилчин спорт хороо, Гаруда клубын тамирчин Г.Монголжин хүрэл,  охидын шар бүсний Т.Ариунзаяа алтан медаль, Х.Нандин-Эрдэнэ алт, С.Энхбулаг мөнгөн медаль хүртжээ.



Одоогийн байдлаар өсвөрийн ДАШТ явагдаж бол 24-ний өдрөөс насанд хүрэгчдийн буюу мэргэжлийн тамирчдын тэмцээн эхлэх юм.
Д.Өлзий
Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ