“ИХ ЭЕ” ХУРАЛДУУЛАХ АЖЛЫН КОМИСС БАЙГУУЛАГДЖЭЭ

p1cbls830819i01jql1jce12rjfet3.jpg “ИХ ЭЕ” ХУРАЛДУУЛАХ АЖЛЫН КОМИСС БАЙГУУЛАГДЖЭЭ

 Монголын үндэсний бөхийн холбоо/МҮБХ/ олон жил хоёр хуваагдах болсон маргааныг цэгцлэхээрхоёр талын төлөөлөл өчигдөр уулзаж, “Их эе” хурлыг зохион байгуулах Ажлын комисс байгуулахаар санал нэгджээ.

Монгол Улсын Ерөнхийлөгчөөс МҮБХ-г яаралтай учраа олж, маргаанаа эцэслэх чиглэлийг өгсөн билээ. Энэ чиглэлийн дагуу“Гацуурт” ХХК-ийн захирал Л.Чинбат тэргүүтэй Дархан аварга Х.Баянмөнх, улсын арслан Д.Мөнх-Эрдэнэ, улсын заан Б.Сайнбаяр, Ц.Магалжав, улсын начин Ц.Дуламсүрэн нарын бүрэлдэхүүнтэй Ажлын комисс байгуулжээ.



Монголын үндэсний бөхийн холбоо Л.Чинбат, Б.Бат-Эрдэнэ гэсэн хоёр даргатай болоод байсан бол тэд хоёулаа МҮБХ-ны даргаас нэрээ татаж, “Их эе” хурлаа дахин хийхээр болсон байна. Тиймээс Дархан аварга Х.Баянмөнхөөр ахлуулсанАжлын хэсэг нь “Их эе” хурлаа товлох, зохион байгуулах комиссоор ажиллана.

Монгол Улсын Ерөнхийлөгч, бөхийн холбоо тавдугаар сард багтаан маргаанаа цэгцэл, үгүй бол Бөхий өргөөг улсын өмчид авна гэдгээ мэдэгдсэн юм. 
 

Д.Өлзий

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ