МОНГОЛД ОЛДСОН ХАМГИЙН ТОМ СОЛИР ХЭНТИЙ АЙМГИЙН МУЗЕЙД ХАДГАЛАГДАЖ БАЙНА

p1cbbsdgvt1rh1157ppid18lqqa13.jpg МОНГОЛД ОЛДСОН ХАМГИЙН ТОМ СОЛИР ХЭНТИЙ АЙМГИЙН МУЗЕЙД ХАДГАЛАГДАЖ БАЙНА
Монгол Улсын хэмжээнд олдоод байгаа чулуун солирын хамгийн том нь Хэнтий аймгийн Орон нутаг судлах музейд хадгалагдаж байна.

Энэхүү солирыг 1989 онд Хэнтий аймгийн Галшар сум, Сүхбаатар аймгийн Түвшинширээ сумын зааг нутаг болох Зээртийн хөндий хэмээх газраас олжээ. Одоогоор олсон газрын нэрээр Галшар-Түвшинширээ хэмээн нэрлээд байгаа аж. Солирын  Өндөр 79.5 см, өргөн 45-52 см,  жин-550 кг гэнэ.
 
2010 онд химич, профессор Г.Гонгоржав ШУТИС-ийн Дулааны Техник Үйлдвэрийн экологийн хүрээлэнгийн эрдэм шинжилгээний тэргүүлэх ажилтан, доктор Б.Цэндээгийн хамт химийн найрлагыг судалж рентгенфлуоресценцийн спектрометрийн физик- хими болон химийн сонгомол аргаар 2 удаа шинжлэн, дүнгийн дунджийг хувиар илэрхийлжээ.
 
Ингэхдээ уг солирын химийн найрлагын зонхилох хувийг цахиурын оксид (33,93%), нийт төмөр (25,11%), магнийн оксид (21,10%), хоёр валенттай төмрийн оксид (8,68%), хөнгөн цагааны оксид (2,04%), кальцын оксид (1,68%), никель (1,58%), нийт хүхэр (1,26%) тус тус эзэлж байгааг, мөн найрлагын хувьд ОХУ-ын "Маркова", "Одесса", "Полуямки" зэрэг чулуун солируудын химийн найрлагатай дүйж байгааг тогтоон улмаар уг олдворыг манай улсад олдсон хамгийн том чулуун солир болохыг баталжээ.
 
Д.Одонтунгалаг
Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ