Хятадын цагдаа нар жигнэмэгэн дотроос хар тамхи илрүүлжээ

5fe2822a-412c-11e8-ab09-36e8e67fb996_1280x720_184833.jpg Хятадын цагдаа нар жигнэмэгэн дотроос хар тамхи илрүүлжээ

Хятадын зүүн хэсэгт орших Анхуй мужийн цагдаа нар өнгөрсөн гуравдугаар хүүхдийн чихэр, жигнэмэг, бохины гялгар цаасан дотроос нийт 6 кг героин, метамфетамин илрүүлсэн юм. Тэгвэл саяхан алтан шаргал цаасаар ороосон баавгайны дүрстэй жигнэмэг дотроос шинэ төрлийн хар тамхи илрүүлсэн талаар Thepaper.cn сайт мэдээллээ. Цагдаа нар одоогоор энэ нь ямар хар тамхи болохыг тодорхойлж чадаагүй байна.

Хятад улс хэдийгээр хар тамхины хуулийг хамгийн хатуу хэрэгжүүлдэг боловч иймэрхүү санаанд багтамгүй үйлдлүүд гарсаар байгаа ажээ. Хууль сахиулагчид өнгөрсөн онд нийт 82 тонн хар тамхи хураан авч, 168 мянган хүнийг сэжигтнээр саатуулжээ. Эмнести интернэйшнл байгууллагын мэдээлж буйгаар Хятад, Иран, Саудын Араб, Сингапур улс хар тамхины хэрэгт цаазын ял оноодог байна.

Б.Мөнхтуяа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ