ӨМНӨД СОЛОНГОСЫН АЛДАРТ ДУУЧИН СО МИН ВУ НАС БАРЖЭЭ

p1c9lrjs7u17b91plu1egv13ve5ap3.jpg ӨМНӨД СОЛОНГОСЫН АЛДАРТ ДУУЧИН СО МИН ВУ НАС БАРЖЭЭ

Өмнөд Солонгосын алдарт “100%” хамтлагийн дуучин Со Мин Ву 33 насандаа таалал төгслөө. Тэрбээр өнгөрсөн ням гарагт Сөүл хот дахь гэртээ нас барсан байсныг олж илрүүлжээ. Одоогоор түүний нас барсан шалтгаан тодорхойгүй байна. Эмч нар түүнийг зүрх нь зогссоны улмаас нас барсан байж магадгүй гэж үзэж байгаа аж.

“Болсон хэрэг явдалд түүний гэр бүлийнхэн болон хамтлагийн гишүүд нь гүн цочролд орж, эмгэнэн гашуудаж байна” хэмээн дуучны ойрын хүмүүс ярьсан байна. Со Мин Вуныг оршуулах ёслолд зөвхөн ойр дотныхон нь оролцох аж.

Сон Мин Вуны олон шүтэн бишрэгч түүнд хүндэтгэл үзүүлж, олон нийтийн сүлжээгээр дамжуулан эмгэнэлээ илэрхийлсэн байна.

“Со Мин Ву бол миний амьдралын багш. Тэр хамтлагийнхаа төлөө бүхнийг хаясан. Түүний хичнээн сайхан халамжтай, авъяаслаг, гайхалтай хүн байсан гэдгийг үгээр илэрхийлэх аргагүй. Хайртай шүү” хэмээн түүний нэгэн шүтэн бишрэгч “Твиттер” хуудсаараа дамжуулан тэмдэглэжээ.

100%” хамтлаг анх 2012 онд байгуулагдсанаас хойш хоёр жилийн дараа Со Мин Ву хамтлагаа орхин цэргийн албанд татагдан орсон байна. Тэрбээр мөн жүжигчин байжээ.

Өмнөд Солонгосын алдарт “Шяйни” хамтлагийн гишүүн Ким Жонхюн өнгөрсөн оны 12 дугаар сард нас барсан талаар өмнө нь мэдээлж байсан билээ. Жонхюн гэдэг тайзны нэрээрээ олонд танигдсан 27 настай Ким овогт нь Сөүл хотын өмнөд хэсэгт орших Каннам дүүргийн Чоннам хороонд түрээсэлдэг студийнхээ байранд амиа хорлосон байсныг олж илрүүлсэн юм.
Э.Аянзаяа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ