С.Баярцогтыг өнөөдөр АН-ын гишүүнчлэлээс хаслаа

223206-20032018-1521521997-737743787-bayartsogt.jpg С.Баярцогтыг өнөөдөр АН-ын гишүүнчлэлээс хаслаа

С.Туваан, Өнөө өглөө АН-ын улстөрийн зөвлөл хуралдаж тодорхой шийдвэрүүдийг гаргасан. Намын гишүүн С.Баярцогтын нэр хүндтэй  холбоотой мэдээлэл нь намын үндсэн дүрмийг зөрчиж байгаа эсэх талаар тодруулахаар намын Үндсэн дүрмийн хорооноос тайлбар хүссэн. Үүний дагуу АН-ын Үндсэн дүрмийн хороо хуралдаж шийдвэрээ гаргаж, намын  даргын тушаал гарсан.

О.Магнай, Бидний байгуулж байгаа нээлттэй нийгмийн хамгийн том дайсан бол авилгал, хээл хахууль. АН ямар ч хээл хахуультай эвлэрч байгаагүй, цаашид ч эвлэрэхгүй. Гадаадын байгууллагатай гэрээ хэлцэл байгуулахдаа  эх орныхоо эрх ашгийг ноцтойгор зөрчиж, авлига хээл хахууль авсан нь шүүхээр нотлогдсон  бол нам, эвсэл, нэр нөлөө харгалзахгүй хуулийн хатуу хариуцлага тооцно гэж АН үзэж байна. С.Баярын тэргүүлсэн ЗГ-ын Сангийн сайд С.Баярцогттой холбоотой мэдээлэл цахим орчинд гарлаа. Дээрх мэдээллийн үнэн зөв эсэхийг тодруулахаар АН-аас Швейцарийн холбооны улсын Прокурорын газарт тодруулга авахаар хандсан. Энэхүү асуудалд С.Баярцогт гэм бууутайд тооцогдвол Монгол Улсаас Рио Тинто компанитай байгуулсан хөрөнгө оруулалтын гэрээг эргэж харах зайлшгүй хэрэгтэй гэж АН үзэж байна.

Монголын улстөрчидтэй холбоотой авлига хээл хахууль, оффшор данстай холбоотой асуудлыг цаг алдалгүй шийдвэрлэхийг УИХ, ЗГ, АТГ-аас АН хариуцлагатайгаар шаардаж байна. Авлига хээл хахуультай холбоотой асуудал нь нэг хүн гэхээс илүү нам дамжсан бүлэглэлүүдээс АН өөрийгөө цэвэрлэж байгаа юм. Тухайн үед гэрээнд дөрвөн хүн гарын үсэг зурсан. АН өөрийнхөө боломжийн хүрээнд улс орны эрх ашгийг уландаа гишгэсэн, авлига хээл хахуулийн хэргийг шийдвэрлүүлэх чиглэлээр ажиллаж, хариуцлага тооцох болно гэж мэдэгдэж байна.

Эх сурвалж: GoGo.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ