Судалгаа: Тухайн хүн баян, ядуу эсэхийг гаднаас нь хараад мэдэж болно

105041399-THUMBNAIL.600x400.jpg Судалгаа: Тухайн хүн баян, ядуу эсэхийг гаднаас нь хараад мэдэж болно

Канадын Торонтогийн их сургуулийн судлаачид хүнийг гаднаас нь хараад нийгэмд ямар байр суурь эзэлдгийг шууд мэдэх боломжтойг тогтоожээ. Хувь хүн болоод нийгмийн сэтгэл судлаачдын үзэж буйгаар мөнгөтэй хүмүүс аз жаргалтай, санаа зовох зүйл багатай байдаг бөгөөд хүмүүсийн амьжиргааны ялгаа нүүр царайнаас нь илэрдэг гэнэ. Судлаачид нийгмийн янз бүрийн түвшний хүмүүсийн гэрэл зургийг харьцуулан судалж үзээд ашиг орлогийг нь зөв тодорхойлсон гэнэ. Энэхүү судалгаанд сайн дураараа оролцсон хүмүүсийн талаас илүү хувь нь жилийн 150 мянган доллараас орлоготой, дээд давхаргынхан байсан бол үлдсэн хэсэг нь 35 мянган долларын орлоготой ажилчин анги байжээ.

Тухайн хүний нүд, ам, нүүр царайны хувирал зэрэг нь маш их мэдээллийг хэлж өгдөг юм. Жишээлбэл, дээд боловсролтой хүмүүс аз жаргалтай харагдахаас гадна нийгэм-эдийн засгийн үзүүлэлт нь бусдаас дээгүүр байдаг. Тэдний нүүр царайны илэрхийллээс төлөв даруу, хурц гярхай нэгэн болохыг төвөггүйхэн мэдэж болно.

“Бидний нүүр царай нь туулж өнгөрүүлсэн амьдрал, мэдлэг туршлагын тусгал мөн. Тухайн хүн нийгэмд байр суурь эзэлж буйг гаднаас нь хараад мэдэж болно” хэмээн сэтгэл судлалын профессор Николас Рули ярьсан байна.

Б.Мөнхтуяа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ