Банкны ерөнхийлөгчийн ажлаа орхин луу болохыг хүссэн нь

4221396001_5741776535001_5741763305001-vs.jpg Банкны ерөнхийлөгчийн ажлаа орхин луу болохыг хүссэн нь

АНУ-ын иргэн Эва Тиамат Медуса нь луутай адилхан болохын тулд хэлээ сэтлүүлж, толгойн дээрээ найман эвэр хийлгэж, битүү шивээстэй болсон байна. Тэр ч бүү хэл, хамарныхаа хэлбэрийг өөрчилж, чихээ авахуулж, нүдээ ногоон өнгөтэй болгох мэс засалд 60 мянган доллар зарцуулсан юм. Учир нь тэрээр хүн байхаас залхаж, өөр амьтны дүрээр насан эцэслэхийг хүсчээ.

Медуса 1997 онд Ричард Хернандез хэмээх нэртэй эрэгтэй хүн байсан бол нэг л өдөр үзэл бодол нь огцом өөрчлөгдөж, хүйсээ солиулахаар шийджээ. Америкийн нэгэн томоохон банкинд дэд ерөнхийлөгчөөр ажилладаг байсан тэрээр гэнэт эмэгтэй хүн болсонд ойр дотныхон нь ихэд дургүйцсэн гэнэ. Гэтэл одоо бүр луу болох гэж зүтгэж явна. 

Медуса ХДХВ-ын халдвартай болох нь тогтоогдож, сэтгэл санаагаар ихэд унасан тул амьдралаа огцом өөрчлөхөөр шийдсэн нь энэ юм. Тэрээр хэвлэлд өгсөн ярилцлагадаа “Миний огцом өөрчлөлтүүд нь маш том шалтгаантай. Би чинь хоёр ээжтэй хүн шүү дээ. Нэг нь намайг төрүүлсэн миний ээж, нөгөө нь хоржигнуурт могойтой төстэй хэвлээр явагч. Би хүн дүртэйгээр үхэхийг хүсэхгүй байна. Бусад амьтадтай харьцуулбал хүн хамгийн ихийг сүйтгэж, үзэн ядмаар жишүүрт хэрэг үйлддэг” хэмээн онцолжээ.

Б.Мөнхтуяа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ