Ким Чен Ун эцгийнхээ хамт хуурамч паспорт ашиглан гадаадад аялж байжээ

02_bbbbbbb.jpg Ким Чен Ун эцгийнхээ хамт хуурамч паспорт ашиглан гадаадад аялж байжээ

Пхеньяны өнөөгийн удирдагч Ким Чен Ун эцгийнхээ хамтаар 1990-ээд онд Бразил улсын иргэний хуурамч паспорт ашиглаж, Европын орнууд руу зорчиж байжээ.

Хойд Солонгосыг үндэслэгч Ким Ир Сений гэр бүлийн гишүүд хуурамч паспорт ашиглан, гадаад руу зорчдог байсан гэх мэдээллийг хэвлэлийнхэн байнга шахуу мэдээлдэг байсан ч одоогийнх шиг баталгаатай хуулбар нь ил болоогүй юм.

Бразилийн Гадаад хэргийн яам хэрхэн тэдэнд гадаад паспорт гаргасан явдлыг шалгаж эхэлсэн байна.

Тэд хуурамч паспортоор Европын хэд хэдэн улс руу виз авахаар мэдүүлж байсныг тагнуулынхан олж тогтоожээ.

Эдгээр паспортууд дээр Ким Жон Уныг “Josef Pwag”, Ким Жон Илийг “Ijong Tchoi” гэсэн нэрээр нэрлэсэн байв Тэднийг Бразил, Япон, Хонконгт  зорчсон байж магадгүй хэмээн албаныхан мэдээлжээ.

10 жилийн хугацаатай олгогдсон паспортуудыг Прага дахь Бразилийн элчин сайдын яам 1996 оны хоёрдугаар сарын 26-нд хэвлэсэн гэх дардас байгаа юм.

Ким Чен Уны паспорт дээр төрсөн өдрийг нь 1983 оны хоёрдугаар сарын 1 гэсэн бол эцгийнх нь паспорт дээр 1940 оны дөрөвдүгээр сарын 4 гэсэн байна. Тэднийг Бразилийн Сан Пауло хотод төрсөн гэж бүртгэжээ.

Б.Дэлгэрцэцэг

Эх сурвалж: Shuud.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ