Шведийн компани нас барсан хүмүүстэй чатлах үйлчилгээ санал болгоно

laptop-750x500.jpg Шведийн компани нас барсан хүмүүстэй чатлах үйлчилгээ санал болгоно

Шведийн “Fenix” хэмээх буяны үйлчилгээний компани бурханы оронд заларсан хайртай хүмүүстэйгээ ярилцах шинэ үйлчилгээ нэвтрүүлж буй бөгөөд энэхүү төсөлд хамрагдах сайн дурынхныг бүртгэж эхэлжээ. Энэ бүхэн шинжлэх ухааны зөгнөлт кино шиг сонсогдож байгаа ч ийм боломжийг Оросын программист Евгения Куйда аль хэдийн нээж, автомашины ослоор нас барсан найзтайгаа чатаар холбогдож чадсан юм.

Энэ үйлчилгээг нэвтрүүлэхийн тулд “Fenix” компани ямар нэгэн робот, андройд төхөөрөмж туршаагүй. Зөвхөн хиймэл оюун ухаанаар ажилладаг компьютер програмаар дамжуулан нас барсан хүнтэй ярилцсан мэт мэдрэмж авах юм. Өөрөөр хэлбэл, бурхан болоочийн талаарх бүхий л мэдээллийг компьютерт байршуулснаар хиймэл оюун ухааны тусламжтайгаар тэр тантай чатлах болно. Компьютерт оруулсан мэдээллээс хамаарч, цаг агаар, хобби, эрүүл мэнд зэрэг төрөл бүрийн сэдвээр ярилцах юм.

Мэдээж, компьютерын цаана бодит хүн биш хиймэл оюун ухаан “ажиллаж” байгаа учраас мэдээллээ байнга шинэчилж байх шаардлагатай. Өмнө нь бид бурхан болоочийн гэрэл зураг, бичлэгээс өөр зүйлгүй хоцордог байсан бол мэдээллийн технологи илүү их боломж олгож байна.

Б.Мөнхтуяа

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ