БЕНЗИНИЙ ҮНЭ ДАХИН НЭМЭГДЛЭЭ

p1c7b28g2g5eu18v92b417jh1lsu3.jpg БЕНЗИНИЙ ҮНЭ ДАХИН НЭМЭГДЛЭЭ

“Ник-Петровис” компанийн Увс аймаг дахь салбар бензин, түлшнийхээ үнийг нэмлээ. Ингэснээр А 92 бензин 1960, А 80 бензин 1780, евро дизель 2250 төгрөгөөр литр тутам нь худалдаалагдаж байна. Үндсэндээ бензинүүд болон дизель түлш 110 төгрөгөөр тус бүр нэмэгджээ.
Тус компанийн хувьд энэ сард гурав дахь удаагаа үнэ нэмж байгаа нь энэ бөгөөд цагаан сарын яг өмнөхөн болон дараа нь 95 төгрөгөөр хоёр удаа нэмсэн юм.
Тэгвэл энэ удаад 110 төгрөгөөр нэмж, өмнөх сараас 300 төгрөгөөр илүү үнээр бензинээ худалдаалж байна. Өнгөрсөн баасан гарагт “Тэс Петролиум” компанийн Увс аймаг дахь салбар бензин, түлшнийхээ үнийг нэмсэн юм. Одоогоор энэ чиглэлийн үйл ажиллагаа явуулдаг орон нутгийн компаниуд ч эдгээр компаниудыг дагаж үнээ нэмэгдүүлээд байна.
Энэ хэвээрээ литр бензиний үнэ 2000 хүрч, машин техник унахад хүндрэлтэй болох нь хэмээн иргэд ярьж байна. Бензиний үнэ нэмснийг дагаад өргөн хэрэглээний бараа таваарын үнэд ч өөрчлөлт орж эхэлжээ.
Б.Батхүү

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ