Нөхрүүд, эхнэрээсээ юуг асуухаас эмээдэг вэ?

sd_sd_dsf_sd.jpg Нөхрүүд, эхнэрээсээ юуг асуухаас эмээдэг вэ?

Гэр бүлийн амьдрал гэдэг хүн бүрийн заавал туулж өнгөрүүлдэг зүйлсийн нэг билээ. Гэвч энэ нандин холбоо сүйрч, гэр бүл салан, хөөрхий хүүхдүүд золиос болох нь бий. Үүний шалтгаан нь ихэвчлэн үл ойлголцол байдаг бөгөөд бие биенээ ойлгох ямар ч боломжгүй мэт санагдах үе бий. Тиймээс хэрүүл маргааны үед ч бие биенээ хүндэтгэн, үнэн сэтгэлээ нээж, цаг тухайд нь ярилцаж, ойлголцож байх хэрэгтэй гэж сэтгэл зүйчид зөвлөдөг билээ. Ингээд та бүхэнд эрчүүдийн эхнэрээсээ асуухыг хүсдэг ч, зориг нь хүрдэггүй 15 асуултын тухай хэлж өгөхөөр бэлтгэлээ. Сонирхолтой байна гэж найдаж байна

Нөхрүүд, эхнэрээсээ юуг асуухаас эмээдэг вэ

1Яагаад нөхрийнхөө утсыг шалгахыг хүсээд байдаг юм бол

Эмэгтэй хүмүүст төрөлхийн зөн совин гэж байдаг. Хэрэв тэр зөн совин нь нөхрөө хэн нэгэнтэй түүнээс нууцаар уулзаж, учирч байгаа гэж бодож эхэлбэл, утсыг нь хамгийн түрүүнд шалгадаг. Учир нь техник технологи хөгжсөн энэ үед эрчүүд ямар нэг буруу үйлдэл хийсэн бол үүнийг нь утаснаас нь амархан мэдэх боломжтой байдаг шүү дээ.

Гэр бүл итгэлцэл дээр тогтдог учир, түүнд үнэнч гэдгээ баталж, хайртай бүсгүйдээ утасныхаа цоож, нууц үгээ хэлэхэд буруудах зүйл байхгүй. Харин ч эхнэр тань танд илүү их итгэж, хайрлах болно

Яагаад нөхрийнхөө утсыг шалгахыг хүсээд байдаг юм бол

2Хадмууд дээрээ заавал очих шаардлагатай гэж үү

Эмэгтэй хүмүүс эрчүүдийг бодвол илүү гэрсэг байдаг. Тиймээс хуримаа хийн тусдаа гарсныхаа дараа ч ойр ойрхон төрсөн гэртээ очих дуртай. Харин эрчүүдэд хадмынхаа гэрт зочлох нь тийм ч таатай санагддаггүй ажээ. Эрчүүд үүнийг эхнэрээсээ асуухыг хүсдэг ч бага зэрэг эмээдэг юм. Учир нь тэд үүний дараа юу болохыг мэддэг

Энэ асуудлаас гарахын тулд хадмуудтайгаа сайхан харилцаа тогтоох нь хамгийн зөв арга учир, тэдэнд сайхан сэтгэгдэл төрүүлэхийг хичээх хэрэгтэй шүү

Хадмууд дээрээ заавал очих шаардлагатай гэж үү

3Заавал нүүрээ их будах хэрэгтэй юм уу

Эмэгтэй хүн нүүрээ будсаныхаа дараа зан ааш, биеэ авч яваа байдал нь бага зэрэг өөрчлөгддөгийг та анзаарсан байх. Учир нь тэд өөрийгөө илүү үзэсгэлэнтэй, дур булаам болсон мэт мэдэрдэг. Харин тэдний нүүр будалтаас болж чухал хүлээн авалт, үдэшлэгээс оройтох үед эхнэрээсээ энэ асуултыг асуухыг эрчүүд хүсдэг

Хариулт нь гэвэл танд тэвчээр бас түүнийг ойлгох сэтгэл хэрэгтэй. Учир нь тэр хамгийн сайхнаараа байхыг оролдож байхад нь ямар их будсан талаар нь хэлж сэтгэлээр унагаах хэрэггүй л болов уу. Харин түүний будаг үнэхээр онцгүй байвал, эелдгээр энэ хэсгээ засвал илүү тачаангуй байх болно гэдгийг нь хэлж өгөөрэй

Заавал нүүрээ их будах хэрэгтэй юм уу

4Хэдэн төгрөгөөр авсан юм

Аз жаргалтай эхнэр, Аз жаргалтай амьдрал гэсэн үг бий. Дэлгүүр хэсэх дургүй бүсгүй гэж байхгүй. Хэрэв та эхнэртэйгээ хамт дэлгүүр явах гэж байгаа бол түүнд зарцуулах багахан ч болов илүү мөнгийг авч явах хэрэгтэй. Учир нь түүний хүссэн зүйлийг авч өгөх нь тэднийг хамгаас илүү аз жаргалтай болгодог. Магадгүй зарим бүсгүйчүүд энэ шалтгааны улмаас өөрөөсөө ахимаг насны залуустай гэрлэдэг биз. Түүнд жижиг зүйл авч өгөхдөө үнийг нь асууж болохгүй. Энэ нь эмэгтэй хүмүүст хэрүүл өдөж байгаатай ижил сонсогддог. Харин үнэхээр хэтэрхий үнэтэй зүйл авахыг хүсвэл, гэрийнхээ төсвийг түүнд сануулах хэрэгтэй

Хэдэн төгрөгөөр авсан юм

5Найзуудтайгаа гадуур гарч болох уу

Энэ магадгүй эрчүүдийн хамгийн их асуухыг хүсдэг болон хамгийг их асуухаас айдаг зүйл байх. Гэвч гэр бүлийн харилцаанд ч гэсэн чөлөөт цаг хэрэгтэй учир эхнэртэйгээ энэ талаар сайтар ярилцаарай. “Эхлээд би гадуур гаръя. Харин дараа нь чи найзуудтайгаа уулзаарай.” эсвэл “Шөнийн 12 цагаас өмнө заавал ирэх ёстой” гэх мэт дүрмийн дагуу найзуудтайгаа цагийг өнгөрөөж, харин гэр бүлдээ хэрэгтэй үед нь хамт байх хэрэгтэй

Найзуудтайгаа гадуур гарч болох уу

6Чи жин нэмчихээ юу даа

Гэр бүлтэй болсны дараа эмэгтэй хүмүүс зарим зүйлсэд илүү эмзэг ханддаг. Эдгээрийн нэг нь биеийн жин юм. Нэгэнт тогтвор суурьшилтай амьдрал эхлүүлсэн учир бүсгүйчүүд бага зэрэг жин нэмэх нь хэвийн үзэгдэл бөгөөд нөхрөөсөө таргалсан эсэхээ асуудаг. Энэ үед бага зэрэг худлаа хэлэхэд гэмгүй байдаг ажээ. Хэрэв аз жаргалтай амьдралыг хүсэж байгаа бол түүний энэ эмзэг сэдвээр оролдох хэрэггүй бөгөөд харин түүнтэй хамт спортоор хичээллэх санал тавьж болно

Чи жин нэмчихээ юу даа

7Чиний сарын тэмдэг ирчихсэн юм уу

Сарын онцгой хэдхэн өдрүүдэд нь түүнтэй маргалдах гэсний хэрэггүй. Тэд маш эмзэг, мэдрэмтгий болсон байдаг учир танаас зөвхөн халамжийг л хүсэж байдаг. Хэрэв энэ өдрүүдэд түүнтэй маргалдвал “сарын тэмдэг” гэсэн үг оролцуулсан асуултыг түүнээс яасан ч асууж болохгүй. Энэ нь таныг “хүсээгүй дайн”-ы хэлмэгдэгч болгох хангалттай шалтгаан юм

Чиний сарын тэмдэг ирчихсэн юм уу

8Жирэмсэн үед нь секс хийж болох уу

Гэр бүлийн амьдрал зохиосны дараах хамгийн сайхан зүйл бол магадгүй хүүхэдтэй болох тэр мөч билээ. Гэвч 10 сар хүүхдээ тээх хугацаанд зарим зүйлсийг золиослох шаардлага гардаг. Сексийн идэвхтэй амьдралтай байсан хосуудын хувьд энэ нь багагүй тэвчээр шаардах ч эмчээс зөвөлгөө авсны дараа хэдийд секс хийх талаараа ярилцаарай

Харин жирэмсний эхний 3 сарын хугацаанд бэлгийн хавьталд орох нь хүүхэд зулбуулах аюултай тул тэвчих хэрэгтэй шүү залуусаа

Жирэмсэн үед нь секс хийж болох уу

9Чи надтай гэрлэсэнтэй харамсдаг уу

Хэрэв нэгэнт бие биедээ хайртай болж гэр бүл болсон бол үүндээ хэзээ ч эргэлзэх хэрэггүй. Амьдрал үргэлж сайхан байдаггүй учир, хэзээ нэгэн өдөр та хоёрын дунд томоохон хэрүүл болохыг үгүйсгэхгүй. Гэхдээ энэ үед хэн хэндээ буулт хийх сэтгэлтэй байж, энэ асуултын талаар бодож явахгүй байх нь хамгийн зөв арга юм

Чи надтай гэрлэсэнтэй харамсдаг уу

10Чи намайг хуурч байсан уу

Эхнэр нөхрүүд зарим үед нэгнийгээ араар нь тавьдаг. Энэ нь өөртөө итгэх итгэлийг нурааж, сэтгэлийн маш их дарамтад оруулдаг. Эсвэл нэгнээ хардаж удаан явсны дараа хосуудын харилцаа маш төвөгтэй болж, бие биендээ уцаарлаж эхэлдэг байна. Тиймээс гэр бүлийн хүнээсээ “Чи намайг араар минь тавьсан уу?” гэж шууд асуун, үнэнийг нь сонсох хэрэгтэй. Хариулт нь хэчнээн хэцүү байсан ч гэр бүлээ хадгалан үлдэх эсвэл орхин яван нь таны шийдвэр болох юм

Чи намайг хуурч байсан уу

11Би үүнийг авч болох уу

Эрчүүд ч гэсэн “шуналтай”. Гэхдээ тэд эмэгтэй хүмүүс шиг байнга будаг, хувцас, гэр ахуйн зүйлс, ээмэг бөгж авахаас илүүтэй дуртай багийнхаа тоглолтын тасалбар эсвэл шинээр гарсан видео тоглоом, багажны хэрэгсэл гэх мэт зүйлсэд шунадаг. Гэр бүлийн төсвийг ихэвчлэн эмэгтэйчүүд барьдаг тул эрчүүд хүссэн зүйлээ авах талаар асуухдаа зарим үед эмээдэг гэнэ

Ингэх огтхон ч шаардлагагүй бөгөөд эхнэртээ юуг, яагаад хүсэж байгаагаа хэлээд, энэ сарын санхүүгээс мөнгө илүү гарах эсэхийг лавлахад л хангалттай шүү

Би үүнийг авч болох уу

12Би орондоо хэр сайн бэ

Гэрлэлтийн өмнөх харилцаанд хосууд бие биендээ илүү их тэмүүлж, дурлалдаа шатаж байдаг учир сексийн амьдрал илүү халуухан байдаг. Зарим үед эмэгтэйчүүд хамтрагчаа сэтгэлээр унагаахгүй гэсэндээ бага зэрэг жүжиглэн, маш их таашаал авч буй мэт үйлдлүүд гаргадаг ч, гэрлэсний дараа энэ тал дээр илүү нээлттэй болж, юу хүсэж байгаагаа бие биендээ хэлж эхэлдэг. Энэ үед эрчүүд чадвар нь буурсан мэт санагдаж, бага зэрэг сэтгэлээр унаж эхэлдэг ажээ

Хариулт нь бол эмэгтэйчүүдэд хэмжээ бус чадвар, энхрийлэл илүү чухал байдаг. Гэрлэлтийн өмнө хайртынхаа юу хүсдгийг мэдчихсэн байхад илүүдэхгүй

Би орондоо хэр сайн бэ

13Яагаад уурлаад байгаа юм бэ

Зарим үед эрчүүд үнэнээсээ, эхнэрийнхээ яагаад уурласныг ойлгодоггүй. Тэдний хувьд чухал биш байж болох зүйлс, эмэгтэй хүний хувьд маш чухал байх нь ч бий. Эсвэл таны эхнэр ямар нэг асуудалд санаа нь зовсноос болоод шалтгаангүй уурлаж, утгагүй хэрүүл гаргадаг. Энэ үед түүнээс яагаад гэдгийг нь асуусан залуус өөртөө улам “гүнзгий нүх” ухчихдаг ажээ

Тиймээс эрчүүд энэ үед асуултыг асуухаасаа өмнө юуг буруу хийсэн талаараа сайн бодох хэрэгтэй гэж эмэгтэйчүүд хариулжээ. Хэрэв үнэхээр хариултыг нь олж чадахгүй байгаа бол түүнийг тайвшруулах үгсийг хэлж аргадаарай

Яагаад уурлаад байгаа юм бэ

14Хоёулаа секс хийх үү

Энэ асуулт залуу хосуудаас илүүтэй хүүхэдтэй эцэг эхчүүдэд тохиолддог. Өдөр тутмын завгүй амьдралын дараа эмэгтэйчүүд ядарсан үед үүнийг асуух нь хамгийн тохиромжгүй юм. Тиймээс түүний сэтгэлийг хөдөлгөх үйл явдал болсны дараа эсвэл хамт орондоо орсныхоо дараа хайртынхаа чихэнд халуухан үгсийг шивнэж болно шүү дээ. Тэр танд өдөр бүр татгалзахгүй нь ойлгомжтой

Хоёулаа секс хийх үү

15Чи миний найзуудтай унтах боломж гарсан бол, секс хийх байсан уу

Эмэгтэйчүүдтэй адил эрчүүд ч бас зарим үед өөртөө итгэх итгэлээ алдах нь бий. Энэ үедээ тэд миний найзуудаас эхнэртэй минь унтахыг хүссэн хүн байдаг болов уу? хэмээн бодож эхэлдэг гэнэ. Үүний дараа эхнэрээсээ энэ асуултыг асууж, хариулсан тэр хүнтэй нь хамтдаа байгаагаар төсөөлөн хардаж эхэлдэг ажээ. Гэвч энэ асуултынхаа хариуг эрчүүд аль хэдийн дотроо гадарлаж байдаг юм

Чи миний найзуудтай унтах боломж гарсан бол, секс хийх байсан уу

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ