Израильчууд Польшийн ЭСЯ-ны хаалган дээр хас тэмдэг зурж бухимдлаа илэрхийлэв

28059409_1851426864931708_5022122226450151083_n.jpg Израильчууд Польшийн ЭСЯ-ны хаалган дээр хас тэмдэг зурж бухимдлаа илэрхийлэв

Түүнийг энэ үгийг хэлсний маргааш Израильчууд эсэргүүцлээ илэрхийлж ЭСЯ-ны хаалган дээр нь хас тэмдэг зуржээ.  Эл асуудалд холбогдуулан Израйлийн цагдаа нар хэрэг үүсгэн шалгаж эхлээд байна.

Польш Улс энэ сарын эхээр Холокостод хамаарах шинэ хууль баталсан нь ихээхэн маргаан дагуулсан. Энэ хуулийг баталснаас хойш хоёр орны хооронд хурцадмал байдал өсөн нэмэгдээд байгаа аж. Уг хууль нь Польш иргэнийг Холокостод буруутгахаас сэргийлсэн агуулгатай. Мөн хуулийг зөрчвөл их хэмжээний торгууль ногдуулах буюу 3 хүртэлх жил шоронд хорино гэж заажээ. Харин үүнийг Израйлийн тал буруутгаж Польш улс түүхийг шинээр зохиохыг оролдож байна гэж шүүмжилж байна.

“Даарин дээр нь давс” гэгчээр Моравецкийн хэлсэн үг Израильчуудын уур бухимдлыг улам бүр өдөөжээ. Түүний хэлсэн үгэнд дургүйцэж байгаагаа Израилийн ерөнхий сайд Бенъямин Нетаньяху болон бусад эрх баригчид илэрхийлээд байна. Харин Польшийн зүгээс Холокостыг үгүйсгэх, хэлмэгдсэн еврейчүүдийг буруутгах санаа агуулаагүй гэдгээ мэдэгдлээ. Энэ сарын эхээр Польшийн гадаад хэргийн дэд сайд CNN-д яриа өгөхдөө, шинэ хууль нь түүхийг засаж өөрчилсөн хэрэг огт биш, харин Холокостын үнэнийг хамгаалж үлдэх зорилготой. Польш улс болоод Польш хүн Холокостод хариуцлага хүлээх ёстой гэж хэн нэгэн хэлэх үед тэд жинхэнэ буруутнуудыг хаацайлж байгаа гэдгийг бид ойлгох ёстой гэсэн байна.

Польш улс нь Холокостоос өмнө Ашкеназ Еврейчүүдийн төв байсан. 1939 онд Дэлхийн хоёрдугаар дайн эхлэхээс өмнө тус улсад 3,5 сая гаруй Еврей хүн амьдардаг байсан аж. Дайны сүүлээр Польшид байсан Еврейчүүдийн дөнгөж 10% нь үлджээ. Холокостын үеэр 6 сая Еврей устсан байна. Иерусалим дахь Холокостыг эргэн дурсах төвийн мэдэгдсэнээр, Польшийн 30000-35000 Еврей хүн Польш хүмүүсийн тусламжтайгаар аврагдсан байна.

Холокост гэж юу вэ?

Еврей үндэстэн Гриншпан Германаас хөөгдсөн эцэг эхийнхээ өш хонзонг авахын тулд Францад байрлах Германы элчингийн нарийн бичгийн даргыг хөнөөснөөс үүдэж 1938 оны арваннэгдүгээр сарын 9-нөөс 10-нд шилжих шөнө Германд еврейчүүдийг түйвээх үйл ажиллагаа явагдсан. Тухайн үед 100 гаруй Еврей амь үрэгдэж, 30 000 гаруй еврейг концлагерь руу явуулсан юм. Энэ ажиллагааг түүхэнд "Холокост" хэмээн тэмдэглэсэн байдаг.

Э.Лхагважаргал

Эх сурвалж: Time.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ