Н.Цэрэнбат сайд аа, А/370 тоот тушаалаа эргэн харах хэрэгтэй байна

p1bsn6puldtska2cfqd1v6kf9c1.jpg Н.Цэрэнбат сайд аа, А/370 тоот тушаалаа эргэн харах хэрэгтэй байна

БОАЖ-ын сайдын А/370 тоот тушаалтай холбоотой олон хууль бус үйл ажиллагаа, зөрчил гарах болсон байна. Өнгөрсөн 2017 онд тусгай зориулалтаар гадаадын анчдад зохих журмын дагуу 160 шахам ангийн олзворыг хууль тогтоомжид заагдаагүй зүй бус шаардлагууд тавьж одоог хүртэл экспортлох зөвшөөрөл олгохгүй байгаа аж. Ингэхдээ аж ахуйн нэгж, агнуурын бүс нутгийн менежмент хариуцагч нараас нэмж төлбөр төл хэмээн дарамталж байна.

Уг нь бол Засгийн газрын 155-р тогтоолоор тусгай зориулалтаар гадаадын анчинд агнуулах ангийн төлбөр, хураамжийг тогтоогоод өгчихсөн. Энэ ч дагуу олон анчид төлбөрөө цаг тухайд нь бүрэн төлж барагдуулсан байна. Энэ талаар БОАЖ-ын сайд Н.Цэрэнбат аж ахуйн нэгжүүдэд өгсөн тайлбартаа хураамжаа төлж экспортлох зөвшөөрлөө авах, сумын ИТХ төлбөрийн хэмжээг 20-30 хувь нэмэх эрхтэй тул Засгийн газрын тогтоолд зааснаас илүү төлбөр төлөх шаардлагатай гэжээ. Гэвч өнөөдрийг хүртэл ямар ч сумын ИТХ-аас хураамжийг нэмэх шийдвэр гараагүй байгаа юм. Салбар яамнаас оруулсны дагуу тусгай зориулалтын ангийн төлбөрийг жил дараалан 12 хувиар нэмсэн байдаг. Тухайлбал 107 онд нэг толгой угалзын төлбөр 14000, хураамж 4000 доллар байсан бол энэ онд төлбөрийг 19200, хураамжийг 4800 доллар болгосон юм.

Уг нь бол ИТХ-н тэргүүлэгчдээр хэлэлцүүлж зохицуулалт хийх ёстой. Гэтэл Баян-Өлгий аймгийн Булган, Дэлүүн сумдын нутаг Улаагчингийн нурууны АБН-н менежментийн төлөвлөгөөг аймгийн иргэдийн хурлаар хэлэлцүүлж батлуулаагүйн зэрэгцээ уг агнуурын бүс нутгийг Ахуулт, Улаагчин гэж 2 хувааж нийт агнуурын бүс нутагт тус бүрт нь 480 бодь гал байгаа мэтээр тайлан бичиж толгой эргүүлэх замаар Ахуулт АБН-н  нэг угалз, Улаагчинд  2 угалз агнуулхаар тушаажээ. Мөн Баян-Өлгий аймгийн Алтай, Буянт сумын нутагт орших Халуун Бардам АБН-н менежментийн төлөвлөгөөг аймгын иргэдийн төлөөлөгчдийн хурлаар хэлэлцүүлж байгуулаагүй байна. Энэ АБН-н 80% нь Буянт суманд , 20% нь Алтай суманд харъяалагддаг. Гэтэл АБН-ын 20% нь ноогддог Алтай суманд 2 угалз хувиарласан мөртлөө АБН-н 80% нь хамаарагддаг Буянт суманд огт хувиарлаагүй байгаа нь авилагын шинжтэй, амьтны болон бусад хууль тогтоомжуудыг ноцтой зөрчсөн байна. Иймд дээрхи сумуудад хувиарласан Угалз, Буянт, Янгирын зөвшөөрлүүдийг хүчингүй болгож олгох зөвшөөрлийг засах шаардлагатай байгаа юм. Үүнээс гадна аргаль хониний нөөц  элбэг гэж тооцогддог Баян-Өлгий аймгийн Улаанхус, Ховд аймгийн Зэрэг , Ховд сумуудад огт хувиарлаагүй, Мөст, Цэцэг, Буянт сумуудад тус бүр нэг угалз тавьсан байх жишээтэй. Агнуурын бүс нутаггүй юмуу нөөцгүй, эсвэл зөрчилтэй сум, АБН-уудад 2-3 угалз агнуулхаар тушаасан мөртлөө элбэг нөөцтэй, зохих журмын дагуу ажиллаж байгаа сум, АБН-уудг хувиарт оруулаагүй, нэг угалз агнуулхаар тушаал гаргасны цаана авилга, хээл хахуулын хэрэг нуугдаж байна гэж үзэх үндэслэлтэй юм.

”Уламжлалт өв”  хэмээх үнэлгээний компани Баян-Өлгий аймгийн БОАЖ-ын газартай хамтран Дэлүүн сумын Улаанговь АБН-тэй нарийвчилсан агнуур зохион байгуулалт хийжээ. Гэтэл БОАЖЯ-ны мэргэжилтэн н.Жамъяанхүү гэгч сумын даргаар байгуулаагүй байна гэх үндэслэлээр уг тайланг батлаагүй атлаа нөхөрлөлийн даргын нэг хоноод явсан компанийн тайланг албан ёсны хэмээн үзэж агнуурын нөөц багатай 2 аймаг дамжсан уг агнуурын бүс нутагт хамгийн олон буюу 3 угалз агнуулхаар хуваарь хийжээ.Нарийвчилсан Агнуур зохион байгуулалт жинхэнээр нь хийсэн , хуурамчаар тайлан бичсэн энэхүү үйлдлийг зохих журмын дагуу шийдэх, тайланг будлиантуулсан сумын удирдлагуудын зохисгүй үйлдлийг зогсоож энэ онд тус бүс нутагт хувиарласан гурван угалзын зөвшөөрлийг хүчингүй болгох нь зүйтэй байна. Хамгийн хачирхалтай нь 2018 онд агнуурын нөөцгүй юмуу шинээр ан нутагшиж эхлэж байгаа Говь-Алтай аймгийн Тонхил, Баян-Өлгий аймгийн Алта, Бугат сум, Хэнтий аймгийн Баянхутаг сум тус бүрт 2 угалз агнуулах тушаал гаргажээ. Үүнийг юу гэж ойлгох вэ, сайд аа. Үүний цаана ашиг сонирхолын зөрчлөөс гадна ан амьтан шинээр нутагших үйл явцыг удаашруулсан, үгүй хийсэн балмад үйлдэл гэж ойлгогдохоор байна.  

БОАЖ-ны сайдын А/370 тушаалтай холбогдуулж Ховд аймгийн Цэцэг, Мөст, Ховд, Ховд сумын ИТХ-н тэргүүлэгчдийн  тогтоол, Зэрэг сумын Засаг даргийн албан тоот, Зэрэг сумын ИТХ-н тэргүүлэгчдийн  тогтоол, Өмнөговь аймгийн Манлай сумын засаг даргийн албан тоотуудаар зөрчил гомдол ирсэн байна. Үүний дагуу зохих хууль тогтоомжийн дагуу ажиллаж байсан Ховд аймгийн Ховд, Зэрэг, Мөнххайрхан, Баян-Өлгий аймгийн Улаанхус, Буянт сумуудад агнуурын нөөцийг харгалзан үзэж тодорхой тооны угалз хувиарлах, нарийвчилсан агнуур зохион байгуулалт болон агнуурын менежментийн төлөвлөгөөг холбогдох хууль тогтоомжийн дагуу хэрэгжүүлээгүй Баян-Өлгий аймгийн Дэлүүн сумын Ахуунт, Булган сумын  Улаагчин, Алтай сумын Халуун бордис агнуурын бүс нутагт хуваарилсан 5 толгой угалзын хувиарийг цуцлах зэрэг олон асуудлыг нэн даруй цэгцлэх хэрэгтэй байна. Тиймээс БОАЖ-ын сайд та А/370 тоот тушаалаа нэн даруй эргэн харж, хууль зөрсөн этгээдүүдтэй хариуцлага тооцон, хуулийн дагуу үйл ажиллагаагаа явуулсан аж ахуйн нэгж, иргэдийн гомдол саналд хариу өгөх хэрэгтэй байна.

Үргэлжлэл бий...

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ