Хэвлийн өөхнөөс хэрхэн ангижрах вэ?

gosd.jpg Хэвлийн өөхнөөс хэрхэн ангижрах вэ?

Хэвлийн өөхжилт нь жирэмслэлт, төрөлт, цэвэршилтийн үед, удамшил, дааврын өөрчлөлт, насжилттай холбоотойгоор үүсдэг. Хэвлий хэсгээр өөхлөх нь зөвхөн хүний гоо сайханд төдийгүй, эрүүл мэндэд тухайлбал, зүрхний өвчин, чихрийн шижин, судас хатуурал, зарим төрлийн хорт хавдар үүсэх шалтгаан болдог. Гэхдээ хэвлийн өөхлөлтийг багасгах олон арга бий.

Дасгал. Дасгал хийхэд хэвлийгээр маш хурдан нарийсаж байгааг та мэдрэх болно. Дасгал үнэхээр үр дүнтэй. Гэхдээ зөвхөн гэдэсний таталт биш бүтэн биеийн дасгалууд хийснээр та хэд хэдэн бүлэг булчингуудыг ажиллуулах бөгөөд хамаагүй их калори шатаах болно. Хэрвээ та нидрүүлэг шиг ярзгар хэвлийтэй болмоор байгаа бол зөвхөн гэдэсний таталт хийгээд байлгүй бүтэн биеийн бүх хэсгийн булчингуудыг ажиллуулах дасгалуудыг хийж эхлэх хэрэгтэй.

Эрүүл хооллолт. Таны хэвлийд хуримтлагдан гэдэсний булчингуудыг чинь халхлаад байгаа өөхөн давхаргыг арилгахыг хүсэж байвал та зөв хооллох ёстой. Түргэн хоол, хэт их өөх тостой, дахин боловсруулсан чихэр, бялуу,  сахарын агууламж өндөр хоол, ундааны хэрэглээгээ хорьж эрүүл хоол ид (өөхгүй мах, жимс, ногоо, бүхэл үрийн гурилан бүтээгдэхүүн, загас, өндөгний цагаан гэх мэт, зөгийн бал, бор эсвэл гурвалжин будаа гэх мэт). Өдөрт хэдий хэмжээний илчлэг авж байж илүүдэл жингээ хаяхыг тооцоол. Тэгээд өөрийгөө битгий хуур. Хэрэггүй хоол хүнс, архи дарснаас татгалз.

Иллэг хийх. Нас ахих тусам бодисын солилцоо удааширч, бидний бие махбодь хуримтлуулсан өөхнөөсөө салах дургүй болж эхэлнэ. Мөн хоол боловсруулалт муу бол гэдэс дүүрэх, өтгөн гадагшлахгүй удах зэрэг сөрөг нөлөө дагуулна. Харин хоол боловсруулалтыг сайжруулах, бодисын солилцоог хурдасгахад гэдэсний иллэг маш сайн нөлөө үзүүлдэг байна.

Шидэт иллэгийн бүрэн зааврыг хүргэе. 

- Хатуу газар дээш харж хэвтэнэ. 

- Хоёр гарын алгыг хооронд нь үрж халаана. 

- Нэг гараа хүйсэн дээр тавина. 

- Хүйсээ тойруулж нар зөв зөөлөн илж эхэлнэ. Тойргоо аажмаар томруулж тэлнэ. Нэг бүтэн тойроход 1-2 секунд болох ёстой. 

- Иллэг хийхэд хэвлий орчимд халж эхлэх бөгөөд үүнийг мэдрэх хэрэгтэй. 

- Иллэгийг 2 минут хийхэд 40-50 удаа бүтэн тойрч илэх бөгөөд гэдэс хэвлий орчмоор дулаан мэдрэгдэж байх ёстой.

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ