АЙШОЛПАН ОХИНЫ ӨВӨӨГИЙН НЭРЭМЖИТ ТЭМЦЭЭН ЗОХИОН БАЙГУУЛЛАА

p1c62ep8r21gm965q1tbv19dd144f3.jpg АЙШОЛПАН ОХИНЫ ӨВӨӨГИЙН НЭРЭМЖИТ ТЭМЦЭЭН ЗОХИОН БАЙГУУЛЛАА

Баян-Өлгий аймгийн Алтанцөгц сумын Хүйтэн хөтөл хэмээх газарт бүргэдчин Б.Рыс агсны нэрэмжит "Хансонар-2018" бүргэдчидийн тэмцээнийг энэ сарын 10-ны өдөр зохион явууллаа.

Энэ жил хоёр дахь удаагаа явагдсан тус арга хэмжээг Б.Рыс агсны үр хүүхдүүд болон Алтанцөгц сумын Засаг даргын Тамгын газар, аймгийн Байгаль орчин, аялал жуулчлалын газар хамтран зохион байгуулжээ. Тэмцээнд Алтанцөгц, Бугат, Ногооннуур, Сагсай, Улаанхус, Өлгий сумдаас нийтдээ 35 бүргэдчин оролцлоо. Бүргэдчид бүргэдээ гаршуулан дасгасан байдал, ан агнахад сургасан байдлаараа өрсөлдсөж, Сагсай сумын бүргэдчин Ы.Хызырбек тэргүүллээ. Алтанцөгц сумын бүргэдчин С.Бауыржан, Сагсай сумын бүргэдчин Х.Арман нар удаах байруудад шалгарлаа.

Мөн 20 гаруй тэмээчин оролцсон тэмээний уралдаанд Алтанцөгц сумын иргэн Ш.Серик түрүүлж, А.Хабыл, К.Мерейхан нар удааллаа.

Байгаль орчин, аялал жуулчлалын яамнаас "Хансонар-2018" бүргэдчдийн тэмцээнийг өвлийн аялал жуулчлалын эвент арга хэмжээнүүдийн жагсаалтад саяхан оруулжээ. Иймд цаашид уг тэмцээнийг жил бүр уламжлал болгон өргөн хүрээтэй зохион байгуулах ажээ.

Дашрамд дурдахад, Б.Рыс нь цагтаа казахын ард түмний бүргэдээр ан хийх урлагийг түгээн дэлгэрүүлэх, хөгжүүлэх, залуучуудад өвлүүлэн үлдээх үйлсэд өөрийн хувь нэмрээ оруулсан нэгэн бөгөөд бүргэдчин охин Н.Айшолпаны өвөө нь юм.

Ө.Нурболат

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ